قاسىم-جومارت توقايەۆ پولشا پرەزيدەنتىن تاۋەلسىزدىك كۇنىمەن قۇتتىقتادى
مەملەكەت باسشىسى پولشا پرەزيدەنتىنە قۇتتىقتاۋ جەدەلحاتىن جولدادى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
قاسىم-جومارت توقايەۆ اندجەي دۋدانى پولشا رەسپۋبليكاسىنىڭ ۇلتتىق مەيرامى - تاۋەلسىزدىك كۇنىمەن قۇتتىقتادى.
«بۇگىندە پولشا ساياسي، الەۋمەتتىك- ەكونوميكالىق دامۋدا، حالقىنىڭ ءال-اۋقاتىن قامتاماسىز ەتۋدە زور جەتىستىكتەرگە جەتتى. وسى تۇستا ەلىڭىزدىڭ الەمدەگى مارتەبەسى ودان ءارى اسقاقتاپ، حالقىڭىزدىڭ ىرىس-بەرەكەسى ەسەلەنە بەرۋىنە تىلەكتەستىگىمدى بىلدىرەمىن. ءبىز پولشانى قازاقستاننىڭ ەۋروپاداعى جاقىن سەرىكتەسى دەپ بىلەمىز جانە دوستىق پەن ءوزارا تۇسىنىستىك رۋحىنداعى قارىم- قاتىناستارىمىزدى تەرەڭدەتۋگە ەرەكشە ءمان بەرەمىز»، - دەپ جازىلعان جەدەلحاتتا.
اۆتور
ەلميرا ورالبايەۆا
