قاسىم-جومارت توقايەۆ «سامۇرىق-قازىنا» ا ق باسقارما ءتوراعاسىن قابىلدادى

كومپانيانىڭ تابىسى:

2024-جىلى تازا تابىسى 39 پايىزعا، وپەراتسيالىق تابىسى 9 پايىزعا وسكەن.

ىسكە قوسىلعان ينفراقۇرىلىمدىق جوبالار:

ەكىباستۇزداعى ءبىرىنشى مەملەكەتتىك ايماقتىق ەلەكتر ستانساسىنىڭ 1-ەنەرگوبلوگى قالپىنا كەلتىرىلدى؛ سيان قالاسىندا كولىك-لوگيستيكا تەرمينالى جۇمىس ىستەي باستادى؛

الماتىنىڭ ەنەرگەتيكا كەشەنىنە قاجەتتى گاز ينفراقۇرىلىمىنىڭ قۇرىلىسى اياقتالدى؛

قاراشىعاناق كەن ورنىندا گازدى كەرى ايداۋعا ارنالعان بەسىنشى كومپرەسسور پايدالانۋعا بەرىلدى.

ينۆەستيتسيالىق جوبالار:

بيىل مامىر ايىندا بيتۋم ءوندىرىسىن كەڭەيتۋ جوباسى باستالدى؛

جىل سوڭىنا دەيىن تاعى 7 ءىرى ينۆەستيتسيالىق جوبانى اياقتاۋ جوسپارلانىپ وتىر.

مامىلەلەر:

Qazaq Air ا ق اۋە كومپانياسى مەن «موبايل تەلەكوم-سەرۆيس» ج ش س (تەلە2) ۇيالى بايلانىس وپەراتورىن ستراتەگيالىق ينۆەستورلارعا ساتۋ جونىندە مامىلەلەر جاسالدى. بۇل نارىقتاعى باسەكەلەستىكتى ارتتىرۋعا جانە قازاقستان ەكونوميكاسىنىڭ نەگىزگى سەكتورلارىنا ينۆەستيتسيا تارتۋعا ىقپال ەتەدى.

«جايلى مەكتەپ» ۇلتتىق جوباسى:

قازىرگى كەزدە 106 مەكتەپتىڭ قۇرىلىسى بىتۋگە جاقىن، جىل سوڭىنا دەيىن تاعى 102 وقۋ وشاعىن سالۋ جوسپارلانعان.

پرەزيدەنت تاپسىرماسى:

كومپانيا اكتيۆتەرىنىڭ تيىمدىلىگىن جوعارىلاتۋ، قۇنىن ارتتىرۋ؛ ينۆەستيتسيالىق جوبالاردى ۋاقتىلى جانە ساپالى جۇزەگە اسىرۋ جۇمىستارىن جالعاستىرۋ. قاسىم-جومارت توقايەۆ ازيا، ەۋروپا جانە ا ق ش- تاعى الەمنىڭ ەڭ ءىرى قورلارىمەن ۇزاقمەرزىمدى ينۆەستيتسيالىق ىنتىماقتاستىق ورناتۋدىڭ ماڭىزدى ەكەنىن اتاپ ءوتتى.

پرەزيدەنت كولىك سالاسىنداعى كەمشىلىكتەر ءۇشىن مارات قارابايەۆقا سوگىس جاريالاعانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى