قاسىم-جومارت توقايەۆ قوستاناي وبلىسىن ەلدىڭ سارقىلماس قورىنا تەڭەدى
قوستاناي وبلىسى ەلدىڭ ازىق- تۇلىك قاۋىپسىزدىگىن قامتاماسىز ەتۋگە ەلەۋلى ۇلەس قوسادى. بۇل تۋرالى قازاقستان مەن رەسەيدىڭ XIX ءوڭىرارالىق ىنتىماقتاستىق فورۋمىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى Kazinform.
«ءبىزدىڭ بۇگىنگى اۋىل شارۋاشىلىعىنا ارنالعان فورۋمنىڭ قازاقستاننىڭ ناعىز سارقىلماس قورىندا ءوتىپ جاتۋىنىڭ سيمۆولدىق ءمانى بار. قوستاناي وبلىسى ەلدىڭ ازىق- تۇلىك قاۋىپسىزدىگىن قامتاماسىز ەتۋگە ەلەۋلى ۇلەس قوسادى. بۇل، ونىڭ ىشىندە، قازاقستاندا تىڭ جەرلەردى يگەرۋدىڭ باستالۋىنىڭ ارقاسىندا ورىن الدى. كەلەسى جىلى ناۋقان باستالعانىنا 70 جىل تولادى. وتكەن جىلى قازاقستان مەن رەسەي اراسىنداعى اۋىل شارۋاشىلىعى ونىمدەرىنىڭ تاۋار اينالىمى تورتتەن بىرگە ارتىپ، 3,6 ميلليارد دوللاردى قۇرادى»، - دەدى قاسىم-جومارت توقايەۆ.
مەملەكەت باسشىسىنىڭ اتاپ وتۋىنشە، ەكى ەلدىڭ الەۋەتى مۇنان دا جوعارى.
«ەلدەرىمىز اگروونەركاسىپتىك كەشەن سالاسىنداعى ساۋدا مەن ءوزارا ءتيىمدى كووپەراتسيالاردى كەڭەيتۋ ءۇشىن زور مۇمكىندىكتەرگە يە. قازاقستان مەن رەسەيدىڭ ءىرى اۋىل شارۋاشىلىعى تاۋرالارىن وندىرۋشىلەردىڭ ءبىرى ەكەندىگىن جانە استىق ەكسپورتى بويىنشا الەمدىك كوشباسشىلاردىڭ وندىعان كىرەتىندىگىن ايتساق تا جەتكىلىكى. بۇكىل الەمدەگى ەگىستىك جەرلەردىڭ 10 پايىزعا جۋىعى جانە جايىلىمدار مەن شابىندىقتاردىڭ 9 پايىزى ەكى ەلدىڭ ۇلەسىنە تيەسىلى»، - دەدى پرەزيدەنت.
