قاسىم-جومارت توقايەۆ قاتار ءامىرى شەيح ءتاميم بەن حاماد ءال تانيمەن كەزدەستى
استانا. KAZINFORM - مەملەكەت باسشىسى دوحا فورۋمىنا شاقىرعانى ءۇشىن شەيح ءتاميم بەن حاماد ءال تانيگە العىس ايتىپ، اتالعان جيىن الەمدەگى وزەكتى پروبلەمالار بويىنشا اشىق پىكىر الماسۋعا مۇمكىندىك بەرەتىن بىرەگەي ديالوگ الاڭى ەكەنىن ايتتى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ قاتار ءامىرىنىڭ ستراتەگيالىق سەرىكتەستىك دەڭگەيىنە كوتەرىلگەن ەكىجاقتى قارىم-قاتىناستى نىعايتۋعا قوسقان ۇلەسىن جوعارى باعالادى.
اڭگىمەلەسۋ بارىسىندا بانك، تەلەكوممۋنيكاتسيا، ەنەرگەتيكا، اۋىل شارۋاشىلىعى جانە مەديتسينا سالالارىنداعى ينۆەستيتسيالىق جوبالارعا قاتىستى كەلىسىمدەردى ۋاقىتىلى ءارى ساپالى جۇزەگە اسىرۋ ماسەلەسىنە ەرەكشە ءمان بەرىلدى. قازاقستان پرەزيدەنتى قاتار بيزنەسىمەن بىرلەسكەن جوبالار ەكى ەلدىڭ دامۋىنا سەپتىگىن تيگىزەتىنىنە سەنىمدى ەكەنىن اتاپ ءوتتى.
قاتار ءامىرى استانا مەن دوحا اراسىنداعى ىنتىماقتاستىق ۇزاقمەرزىمدى ستراتەگيالىق سيپات العانىن جەتكىزدى. سونداي-اق ەكىجاقتى ساپار بارىسىندا قابىلدانعان شەشىمدەردى ىسكە اسىرۋ بويىنشا ۇكىمەتتەر جۇيەلى جۇمىس اتقارىپ جاتقانىنا توقتالدى.
قاسىم-جومارت توقايەۆ پەن شەيح ءتاميم بەن حاماد ءال ءتاني جوعارى دەڭگەيدەگى بەلسەندى ساياسي ديالوگ قازاق-قاتار قاتىناستارىن نىعايتۋعا الداعى ۋاقىتتا دا ىقپال ەتەتىنىنە نازار اۋداردى.
پرەزيدەنت دوحا فورۋمىنىڭ اشىلۋ سالتاناتىنا مارتەبەلى مەيمان رەتىندە قاتىسقان بولاتىن.
ەلميرا ورالبايەۆا
