قاسىم- جومارت توقايەۆ پەن ەممانيۋەل ماكرون ب ا ق وكىلدەرى ءۇشىن مالىمدەمە جاسادى
ەكىجاقتى كەلىسسوزدەردەن كەيىن مەملەكەت باسشىسى قاسىم- جومارت توقايەۆ پەن فرانسيا پرەزيدەنتى ەممانيۋەل ماكرون بۇقارالىق اقپارات قۇرالدارىنىڭ وكىلدەرى ءۇشىن بىرلەسكەن مالىمدەمە جاسادى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
پرەزيدەنت ەڭ الدىمەن، شاقىرۋىن قابىل الىپ، قازاقستانعا رەسمي ساپارمەن كەلگەنى ءۇشىن ەممانيۋەل ماكرونعا العىس ايتتى. سونداي- اق فرانسيانى قازاقستاننىڭ ەۋروپاداعى وتە ماڭىزدى ءارى سەنىمدى سەرىكتەسى رەتىندە اتاپ ءوتتى.
«بيىل ەكى ەل اراسىنداعى ستراتەگيالىق ارىپتەستىك تۋرالى كەلىسىمگە قول قويىلعانىنا 15 جىل تولدى. دوستىق پەن ءوزارا قولداۋعا نەگىزدەلگەن وسى ىنتىماقتاستىقتى ودان ءارى نىعايتۋ - ورتاق مىندەتىمىز. ءبىز بىرگە كۇش جۇمىلدىرىپ، كوزدەگەن ماقساتقا جەتەمىز. مەن بۇعان كامىل سەنەمىن. سوندىقتان بۇگىنگى ساپاردىڭ ءمان- ماڭىزى ايرىقشا»،-دەدى قاسىم- جومارت توقايەۆ.
مەملەكەت باسشىسى پرەزيدەنت ەممانيۋەل ماكرونمەن مازمۇندى كەلىسسوز جۇرگىزىپ، ەكىجاقتى بايلانىستى نىعايتۋ جونىندە ناقتى كەلىسىمدەرگە قول جەتكىزگەنىنە نازار اۋداردى.
قاسىم- جومارت توقايەۆ پەن ەممانيۋەل ماكرون ب ا ق وكىلدەرى ءۇشىن مالىمدەمە جاسادى.
«فرانسيا - قازاقستاننىڭ ەڭ ءىرى ساۋدا سەرىكتەسىنىڭ ءبىرى. بيىلعى سەگىز اي ىشىندە ساۋدا- ساتتىق كولەمى وتكەن جىلمەن سالىستىرعاندا 21 پايىزعا ءوستى. ياعني 2,7 ميلليارد دوللارعا جەتتى. سونداي- اق فرانسيا نەگىزگى شەتەلدىك ينۆەستورلارىمىزدىڭ قاتارىنا كىرەدى. سوڭعى 15 جىلدا فرانسيادان قازاقستانعا 18,7 ميلليارد دوللارعا جۋىق ينۆەستيتسيا تارتىلدى. بۇگىندە ءبىز ەنەرگەتيكا، اتوم ونەركاسىبى، تاۋ- كەن، حيميا، ماشينا جاساۋ، قۇرىلىس زاتتارىن ءوندىرۋ، اەروعارىش جانە فارماتسيەۆتيكا سالالارىندا ماڭىزدى جوبالاردى جۇزەگە اسىرىپ كەلەمىز. ەلىمىزدە Alstom, Total Energies, Orano, Vicat سياقتى 170-تەن استام فرانتسۋز كومپانياسىنىڭ تابىستى جۇمىس ىستەۋى - سونىڭ ايقىن دالەلى»، - دەدى پرەزيدەنت.
مەملەكەت باسشىسىنىڭ ايتۋىنشا، كەلىسسوزدەر بارىسىندا ساۋدا، ەكونوميكا جانە ينۆەستيتسيا سالالارىنداعى ىقپالداستىقتىڭ اۋقىمىن كەڭەيتۋگە باسا ءمان بەرىلىپ، شيكىزات، اۋىل شارۋاشىلىعى، كولىك، لوگيستيكا، جەڭىل ونەركاسىپ، دەنساۋلىق ساقتاۋ، يننوۆاتسيا، قارجى جانە باسقا دا سەكتورلاردا تىڭ جوبالاردى قولعا الۋ ماڭىزدى ەكەنى اتاپ وتىلگەن.
«بۇل، اسىرەسە، قازىرگى كۇردەلى گەوساياسي جانە گەوەكونوميكالىق احۋال كەزىندە اسا وزەكتى. وسى رەتتە ستراتەگيالىق مينەرالدار سالاسىنداعى ىنتىماقتاستىق نيەتى تۋرالى دەكلاراتسياعا قول قويىلدى. سونداي- اق Boehringer Ingelheim,Total Energies, Alstom كومپانيالارىمەن كەلىسىمدەرگە قول جەتكىزدىك. وعان جاڭا عانا وزدەرىڭىز كۋا بولدىڭىزدار. بۇل كەلىسىمدەر ەكى ەل ءۇشىن دە پايدالى بولماق. جوسپارلانعان شارالاردى ءتيىمدى ىسكە اسىرۋ ماقساتىندا بىرلەسكەن ينۆەستيتسيالىق جوبالاردى مينيسترلىكتەر دەڭگەيىندە ىلگەرىلەتۋ كەرەك. ول ءۇشىن ارناۋلى جۇمىس توبىن قۇرۋدى ۇسىندىم»، - دەدى پرەزيدەنت.
سونىمەن قاتار ەكىجاقتى كەلىسسوزدەر بارىسىندا «جاسىل» ەكونوميكاعا كوشۋگە جانە كليماتتىڭ وزگەرۋىنە قاتىستى ماسەلەلەرگە نازار اۋدارىلعان. قاسىم- جومارت توقايەۆ ەممانيۋەل ماكرونعا ەكى ەلدىڭ مۇددەسىنە ساي كەلەتىن ءبىرقاتار ناقتى ۇسىنىس ايتقانىن، ەلىمىز فرانتسيانىڭ «One Planet Summit» باستاماسى اياسىندا بىرلەسە جۇمىس ىستەۋگە دايىن ەكەنىن ناقتىلاعانىن مالىمدەدى.
بۇعان قوسا، پرەزيدەنتتەر مادەني- گۋمانيتارلىق سالاداعى ىنتىماقتاستىقتىڭ ماڭىزدى ەكەنىن ەسكەرىپ، ءبىلىم جانە عىلىم باعىتتارىنداعى جوبالاردى جۇزەگە اسىرۋ جونىندەگى ۋاعدالاستىققا قول جەتكىزگەن. مەملەكەت باسشىسى فرانتسۋز مەكتەپتەرىن اشۋعا، فرانتسۋز ءتىلىن ۇيرەتۋگە، اكادەميالىق بايلانىستى ارتتىرۋعا باعىتتالعان ءبىرقاتار كەلىسىمگە قول قويىلعانىن ايتتى.
ەكى ەل باسشىلارى ايماقتىق جانە جاھاندىق كۇن تارتىبىندەگى وزەكتى ماسەلەلەر جونىندە پىكىر الماسىپ، الەمدەگى ءتۇرلى ساياسي شيەلەنىستەر مەن تۇيتكىلدەر بەيبىت جانە ديپلوماتيالىق جولمەن شەشىلۋگە ءتيىس دەگەن بايلامعا كەلگەن.
ءوز كەزەگىندە فرانسيا پرەزيدەنتى ەممانيۋەل ماكرون قازاقستانعا ساپارمەن كەلۋگە شاقىرعانى ءۇشىن پرەزيدەنتكە العىس ايتىپ، ەكى ەلدىڭ ىنتىماقتاستىعىن ودان ءارى كەڭەيتۋ قاجەت ەكەنىن اتاپ ءوتتى. سونداي- اق قازاقستان مەن فرانتسيانىڭ ۇستانىمدارى كوپتەگەن ماسەلەلەردە سايكەس كەلەتىنىنە نازار اۋداردى.
«ءسىزدىڭ ەلىڭىزدىڭ ءرولى مەن گەوگرافيالىق ورنالاسۋى، سونداي- اق ونىڭ اۋماعىنىڭ ۇلكەندىگى ءبىز ءۇشىن وتە ماڭىزدى. سوندىقتان بۇگىن ەكونوميكالىق ىنتىماقتاستىعىمىز جان- جاقتى تالقىلاندى. بۇگىن قول قويىلعان قۇجاتتار - وسىنىڭ ايعاعى. پرەزيدەنت مىرزا، ءسىز قازاقستاندا جۇمىس ىستەپ جاتقان فرانسۋز كاسىپورىندارىنىڭ ماڭىزىنا ارنايى توقتالدىڭىز. فرانسۋز كومپانيالارى ساۋدا جانە ەنەرگەتيكا سالالارىندا ۇزاقمەرزىمدى سەرىكتەستىك ورناتتى. كومپانيالارىمىزدىڭ باسقا دا سالالاردا بىرلەسە جۇمىس ىستەگەنىن قالايمىز. ىنتىماقتاستىقتىڭ نەگىزگى باعىتتارى بەلگىلى. ولار - ەنەرگەتيكا جانە اەروعارىش ونەركاسىبى سالالارى»، - دەدى ەممانيۋەل ماكرون.
سونىمەن قاتار فرانسيا پرەزيدەنتى قازاقستاننىڭ الەمدەگى ازىق- تۇلىك قاۋىپسىزدىگىن قامتاماسىز ەتۋ ىسىندە ماڭىزدى ءرول اتقاراتىنىنا توقتالدى.
قاسىم- جومارت توقايەۆ پەن ەممانيۋەل ماكرون ب ا ق وكىلدەرى ءۇشىن مالىمدەمە جاسادى.
«كومپانيالارىمىز بۇل ىسكە وڭ سەپتىگىن تيگىزە الاتىنىنا سەنىمدىمىن. ءبىز نارىقتى نىعايتۋعا ۇلەس قوسا الامىز. بۇل رەتتە اۋسىلعا قارسى ۆاكتسينا ءوندىرىسى جوباسىن جۇزەگە اسىرۋ تۋرالى ماڭىزدى كەلىسىمگە قول قويىلدى. سونداي- اق دەنساۋلىق ساقتاۋ سالاسىندا ورناتىلعان سەرىكتەستىكتىڭ كەلەشەگى زور. پرەزيدەنت مىرزا، ءسىز حالىقتارىمىز اراسىنداعى بايلانىستاردىڭ ماڭىزدى ەكەنىن ايتتىڭىز. ءبىز ءبىلىم بەرۋ باعىتىنداعى ىنتىماقتاستىققا قاتىستى ءبىرقاتار كەلىسىمدەرگە قول قويدىق»، - دەدى فرانسيا پرەزيدەنتى.
كەلىسسوزدەر ناتيجەسىندە قازاقستان مەن فرانسيا باسشىلارى بىرلەسكەن مالىمدەمە جاسادى جانە ەكى ەلدىڭ رەسمي دەلەگاتسيا مۇشەلەرى ءبىرقاتار قۇجاتقا قول قويدى.
اۆتور
ەلميرا ورالبايەۆا
