قاسىم- جومارت توقايەۆ پەن ۆلاديمير پۋتين ءبىرقاتار قۇجاتقا قول قويدى

قاسىم- جومارت توقايەۆ پەن ۆلاديمير پۋتين كەلىسسوزدەردەن كەيىن مىناداي قۇجاتتارعا قول قويدى:

1. قازاقستان رەسپۋبليكاسى مەن رەسەي فەدەراتسياسى اراسىنداعى XXI عاسىرداعى تاتۋ كورشىلىك جانە وداقتاستىق تۋرالى شارتقا قول قويىلعانىنا ون جىل تولۋىنا وراي قازاقستان رەسپۋبليكاسىنىڭ پرەزيدەنتى مەن رەسەي فەدەراتسياسى پرەزيدەنتىنىڭ بىرلەسكەن مالىمدەمەسى؛

2. قازاقستان رەسپۋبليكاسى مەن رەسەي فەدەراتسياسىنىڭ 2024-2026 -جىلدارعا ارنالعان بىرلەسكەن ءىس- قيمىل جوسپارى.

سونداي- اق رەسەي پرەزيدەنتىنىڭ قازاقستانعا رەسمي ساپارى اياسىندا كەلەسى قۇجاتتارعا قول قويىلدى:

1. قازاقستان رەسپۋبليكاسىندا «كوكشەتاۋ»، «سەمەي» جانە «وسكەمەن» جىلۋ ەلەكتر ورتالىقتارىن سالۋ جوبالارى بويىنشا قازاقستان رەسپۋبليكاسىنىڭ ەنەرگەتيكا مينيسترلىگى مەن رەسەي فەدەراتسياسىنىڭ ەنەرگەتيكا مينيسترلىگى اراسىنداعى ىنتىماقتاستىق جونىندەگى ءوزارا تۇسىنىستىك تۋرالى مەموراندۋم؛

2. قازاقستان رەسپۋبليكاسى مەن رەسەي فەدەراتسياسى اراسىنداعى 2024-2026 -جىلدارعا ارنالعان دەنە شىنىقتىرۋ جانە سپورت سالاسىنداعى ىنتىماقتاستىقتى دامىتۋ جونىندەگى ءىس- شارالار جوسپارى؛

3. قازاقستان رەسپۋبليكاسى مەن رەسەي فەدەراتسياسى كەدەن قىزمەتتەرى وكىلدەرىنىڭ قاتىسۋىمەن قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى مەن رەسەي فەدەراتسياسى فەدەرالدىق كەدەن قىزمەتىنىڭ 2024-2025 -جىلدارعا ارنالعان ءوزارا ءىس- قيمىلى بويىنشا ءىس- شارالاردىڭ بىرلەسكەن جوسپارى؛

4. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك جانە الەۋمەتتىك قورعاۋ كوميتەتى مەن رەسەي فەدەراتسياسى فەدەرالدىق ەڭبەك جانە جۇمىسپەن قامتۋ قىزمەتى اراسىنداعى ەڭبەك ينسپەكسياسى ماسەلەلەرى بويىنشا ءوزارا تۇسىنىستىك جانە ىنتىماقتاستىق تۋرالى مەموراندۋم؛

5. قازاقستان رەسپۋبليكاسى پرەزيدەنتى ءىس باسقارماسىنىڭ «قازاقستان رەسپۋبليكاسى پرەزيدەنتىنىڭ تەلەراديوكەشەنى» مەن «ينفورماتسيوننوە تەلەگرافنوە اگەنتستۆو روسسي» (يتار- تاسس) فەدەرالدى مەملەكەتتىك ۋنيتارلىق كاسىپورنى اراسىنداعى اقپاراتتىق سەرىكتەستىك تۋرالى كەلىسىم.

اۆتور

ەربول جان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى