قاسىم-جومارت توقايەۆ مەملەكەتتىك ب ا ق- تىڭ مىندەتىن اتادى

«سوڭعى جىلدارى ەلىمىزدىڭ بارلىق وڭىرىندە تۇراقتى تۇردە جاڭا كاسىپورىندار اشىلىپ، جاڭا جولدار مەن كوپىرلەر سالىنىپ جاتىر. ينجەنەرلىك جەلىلەر مەن تۇرعىن ءۇي-كوممۋنالدىق شارۋاشىلىق نىساندارى جاڭارتىلىپ جاتىر. ءبىراق كوبىنە مۇنداي جاعىمدى اقپارات لايىقتى دەڭگەيدە تارالماي جاتادى. جاقسىنى جاقسى دەپ ايتۋ كەرەك. ەل دامۋىنداعى وڭ وزگەرىستەرگە كوبىرەك نازار اۋدارۋ بۇقارالىق اقپارات قۇرالدارىنىڭ، اسىرەسە، مەملەكەتتىك ب ا ق- تىڭ مىندەتى دەپ سانايمىن»، - دەدى مەملەكەت باسشىسى.

ق. توقايەۆ بيىل اۆتوجول سالاسىندا حالىق كوپتەن ءىرى جوبالار ىسكە قوسىلاتىنىن ايتتى.

«بۇل جوبالار ەلىمىزدىڭ كولىك قۇرىلىمىن نىعايتىپ، ىسكەرلىك بەلسەندىلىكتىڭ ارتۋىنا ىقپال ەتەدى. اتاپ ايتقاندا، «استانا-الماتى»، «الماتى-وسكەمەن»، «اقتوبە-قاندىاعاش»، «اتىراۋ-استراحان» جولدارى پايدالانۋعا بەرىلەدى. سونىمەن قاتار «جەزقازعان-قاراعاندى» ماگيسترالىن جوبالاۋ جۇمىستارى باستالادى. مۇنىڭ ءبارى - جۇزەگە اسىرىلىپ جاتقان جانە جوسپارلانعان اۋقىمدى جوبالاردىڭ ءبىر بولىگى عانا»، - دەدى پرەزيدەنت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى