قاسىم-جومارت توقايەۆ لاوس پرەزيدەنتىنە قۇتتىقتاۋ جەدەلحاتىن جولدادى
استانا. KAZINFORM – ق ر پرەزيدەنتى قاسىم-جومارت توقايەۆ لاوس پرەزيدەنتى تحونگلۋن سيسۋليتكە قۇتتىقتاۋ جەدەلحاتىن جولدادى، دەپ حابارلايدى اقوردا.
مەملەكەت باسشىسى لاوس حالىق دەموكراتيالىق رەسپۋبليكاسىنىڭ پرەزيدەنتى تحونگلۋن سيسۋليتتى جانە ونىڭ وتانداستارىن تاۋەلسىزدىك كۇنىمەن قۇتتىقتادى.
قاسىم-جومارت توقايەۆ لاوس ەلىنىڭ مەملەكەت ىرگەسىن نىعايتۋ جانە حالىقتىڭ ءال-اۋقاتىن جاقسارتۋ جولىندا ەلەۋلى جەتىستىكتەرگە قول جەتكىزگەنىن اتاپ ءوتتى.
سونداي-اق قازاقستان پرەزيدەنتى بىرلەسكەن كۇش-جىگەردىڭ ارقاسىندا ەكىجاقتى قارىم-قاتىناستار الداعى ۋاقىتتا دا دامي بەرەتىنىنە سەنىم ءبىلدىردى.
ەسكە سالساق، بۇگىن مەملەكەت باسشىسى قىتاي حالىق رەسپۋبليكاسىنىڭ قازاقستانداعى ەلشىسى چجان سياونى قابىلدادى.
