قاسىم-جومارت توقايەۆ «شىعىس-ءسۇت» كورپوراتسياسىنىڭ ءوندىرىس الاڭىندا بولدى
وسكەمەن. KAZINFORM - مەملەكەت باسشىسىنا جاڭا تەحنولوگيالاردى پايدالانا وتىرىپ، ءسۇت وڭدەۋمەن جانە ءسۇت ونىمدەرىن شىعارۋمەن اينالىساتىن كاسىپورىننىڭ جۇمىسى جونىندە مالىمەت بەرىلدى.
كورپوراتسيا 100 دەن استام تاۋار ءتۇرىن شىعارادى.
بۇگىندە كومپانيا ءوتىمدى اۋىل شارۋاشىلىعى ونىمدەرىنىڭ ۇلەسىن ارتتىرىپ، ەكسپورت كولەمىن ۇلعايتۋعا كۇش سالىپ وتىر.
كورپوراتسيانىڭ يەلىگىندە 4 شارۋاشىلىق، سونىڭ ىشىندە سيىرلاردى اۆتوماتتى تۇردە ساۋۋعا جانە جەمدەۋگە ارنالعان قۇرىلعىمەن جابدىقتالعان روبوتتى فەرما بار.
بۇعان قوسا، كاسىپورىن ءونىم شىعارۋ ءۇشىن وڭىردەگى 22 ەلدى مەكەننەن ءسۇت جينايدى.
قاسىم-جومارت توقايەۆ كاسىپورىن جۇمىسشىلارمەن اڭگىمەلەسىپ، قازىرگى اۋىل شارۋاشىلىعى جوعارى تەحنولوگيالىق سالاعا اينالۋى كەرەك ەكەنىن اتاپ ءوتتى.
سونداي-اق كومپانيا ۇجىمىنا تابىس تىلەدى.
