قاسىم-جومارت توقايەۆ ديپلوماتيا ينستيتۋتىنىڭ ديرەكتورى الەكسەي ۆولكوۆتى قابىلدادى
استانا. KAZINFORM - مەملەكەت باسشىسى حالىقارالىق ورىس ءتىلى ۇيىمى باس حاتشىسىنىڭ ورىنباسارلىعىنا ۇسىنىلعان قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنا قاراستى ديپلوماتيا ينستيتۋتىنىڭ ديرەكتورى الەكسەي ۆولكوۆتى قابىلدادى.
اتالعان قۇرىلىم مۇشە مەملەكەتتەرمەن گۋمانيتارلىق باستامالاردى ىلگەرىلەتۋ، مادەنيەت، عىلىم جانە ءبىلىم بەرۋ سالالارىنداعى بىرلەسكەن جوبالاردى جۇزەگە اسىرۋ ماقساتىندا قۇرىلعان.
ۇيىمنىڭ بەلارۋس، قازاقستان، قىرعىزستان، رەسەي، تاجىكستان جانە وزبەكستان سەكىلدى التى قۇرىلتايشىسى بار.
كەشە پرەزيدەنت بوكسشى نازىم قىزايبايدى تاريحي جەڭىسىمەن قۇتتىقتاعان بولاتىن.
