قارجىلىق مونيتورينگ اگەنتتىگى بيشىمبايەۆتىڭ تۋىستارىنا تيەسىلى اكتيۆتەرى تەكسەرۋگە دايىن

بۇگىن پارلامەنت ماجىلىسىندە بولعان باسپا ءسوز ءماسليحاتىندا تىلشىلەر ق. بيشىمبايەۆتىڭ جاقىن تۋىستارىنا تيەسىلى اكتيۆتەردىڭ زاڭدىلىعىن تەكسەرۋ بويىنشا پەتيتسيا اياسىندا ءتيىستى تەكسەرۋ جۇرگىزۋ مۇمكىندىگى تۋرالى سۇراق قويدى.

بۇل تۇرعىدا جەڭىس ەلەمەسوۆ اكتيۆتەردىڭ زاڭدىلىعىنا قاتىستى تەكسەرۋلەر ەلىمىزدە تۇراقتى تۇردە ىسكە اسىرىلىپ جاتقانىن ايتتى.

«قازىر بىزدە تىركەلگەن قىلمىستىق ءىس جوق. ءبىراق ءبىز زاڭسىز جولمەن الىنعان قىلمىستىق كىرىستەرگە قاتىستى جالپى نەگىزدە تۇراقتى تەكسەرۋ جۇرگىزەمىز. ەگەر قىلمىستىق جولمەن الىنىپ، زاڭداستىرىلعان زاڭسىز كىرىستەر بولسا، مىندەتتى تۇردە جاۋاپقا تارتامىز. پەتيتسياعا قاتىستى توقتالساق، پەتيتسيانىڭ ناتيجەسىن كۇتەيىك. بۇل ماسەلە بويىنشا زەرتتەپ، بۇعان مىندەتتى تۇردە نازار اۋدارامىز»، - دەدى اگەنتتىك ءتوراعاسىنىڭ ورىنباسارى.

بۇعان دەيىن ب ا ق- تا ق. بيشىمبايەۆتىڭ وتباسى مەن جاقىن تۋىستارىنىڭ كىرىسىن تەكسەرۋ جونىندەگى پەتيتسيا باستالعانى تۋرالى حابارلانعان ەدى.

ەسكە سالساق، بيىل مامىر ايىندا سۋديا ايجان قۇلبايەۆا قۋاندىق بيشىمبايەۆ پەن باقىتجان بايجانوۆقا قاتىستى القابيلەردىڭ ۇكىمىن وقىدى.

قىلمىستىق كودەكستىڭ 110-بابى 2-بولىگى 1-تارماعىندا، 99-بولىگىنىڭ 1-تارماعىندا كوزدەلگەن قىلمىستىق قۇقىق بۇزۋشىلىقتاردى جاساعانى ءۇشىن كىنالى دەپ تانىلىپ، ق ك- ءنىڭ 110-بابىنىڭ 2-بولىگىنىڭ 1-تارماعىمەن 7 جىلعا باس بوستاندىعىنان ايىرىلدى. قىلمىستىق كودەكستىڭ 99-بابىنىڭ 2-بولىگىنىڭ 5-تارماعى بويىنشا - 20 جىلعا باس بوستاندىعىنان ايىرىلدى. قىلمىستىق كودەكستىڭ 58-بابىنىڭ 4-بولىگىنە سايكەس، قىلمىستاردىڭ جيىنتىعى بويىنشا جازالاردى ءىشىنارا قوسۋ ارقىلى بيشىمبايەۆ 24 جىلعا باس بوستاندىعىنان ايىرىلدى.

سونىمەن قاتار، القابيلەر باقىتجان بايجانوۆتى اعاسى قۋاندىق بيشىمبايەۆتىڭ قىلمىسىن جاسىرعانى ءۇشىن كىنالى دەپ تاپتى. ءسويتىپ سوت بايجانوۆتى 4 جىلعا باس بوستاندىعىنان ايىردى.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى