قاراعاندىدا جاڭا ۆيرۋس تاراپ جاتقانى راس پا؟
استانا. KAZINFORM - سانيتارلىق-ەپيدەميولوگيالىق باقىلاۋ كوميتەتى قاراعاندىدا جاڭا ۆيرۋس تاراعانى تۋرالى قاۋەسەتكە پىكىر ءبىلدىردى، - دەپ حابارلايدى stopfake.kz.
قازنەتتە قاراعاندىدا جۇمىسشىلار بەلگىسىز ۆيرۋسقا شالدىعىپ جاتقانى تۋرالى ۆيدەو تارادى. ۆيدەودا 15 ادامنىڭ ەكەۋى جازىلعانى، تاعى بەسەۋى اۋىرىپ جاتقانى ايتىلادى. روليك اۆتورى جەلى قولدانۋشىلارىنان جاقىندا سۋىق ءتيىپ اۋىرعان نەمەسە سوعان ۇقساس دەرتكە شالدىققاندار بار-جوعىن سۇرايدى.
ق ر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ باسپا ءسوز قىزمەتى ۆيدەوعا پىكىر ءبىلدىردى.
«قازىر قاراعاندى وبلىسى اۋماعىندا ۆيرۋسپەن اۋرۋ تىركەلىپ وتىرعان جوق. قاراعاندى وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتى ج ر ۆ ي، COVID-19 جانە ۆيرۋستار تۋدىراتىن باسقا دا ينفەكتسيالار تارالۋىنا كۇندەلىكتى مونيتورينگ جۇرگىزەدى. ۆيرۋستىڭ تارالۋىنىڭ نەگىزگى جولدارى - اۋا تامشى جانە قارىم-قاتىناس. جاز مەزگىلىندە اۋرۋ سالقىن سۋسىندار ءىشۋ، بالمۇزداق جەۋ، كونديتسيونەردىڭ جانىندا ۇزاق وتىرۋ جانە ت. ب. بايلانىستى بولادى. يممۋنيتەت السىرەپ، سوزىلمالى اۋرۋلار بولعان جاعدايدا بۇل رينوۆيرۋستار مەن ادەنوۆيرۋستار سياقتى ۆيرۋستىق اۋرۋلاردى تۋدىرادى.
سونىمەن قاتار، جازدا ۆيرۋس تۋدىراتىن سەروزدى مەنينگيت تارالادى. سوندىقتان اشىق سۋ ايدىندارىندا شومىلۋدان اۋلاق بولۋ كەرەك، كوكونىس پەن جەمىستى مۇقيات جۋىپ، جەكە گيگيەنانى ساقتاۋ، تەك قايناتىلعان نەمەسە تازارتىلعان سۋ ءىشۋ قاجەت»، - دەپ جازىلعان ق ر د س م سانيتارلىق-ەپيدەميولوگيالىق باقىلاۋ كوميتەتىنىڭ حابارلاماسىندا.
ۆەدومستۆو حالىققا ىستىقتا سۋىق تيگىزىپ الماۋعا كەڭەس بەردى.
«جوتەل جانە تەمپەراتۋرا سياقتى اۋرۋدىڭ العاشقى بەلگىلەرىندە ءوز بەتىڭىزشە ەمدەلمەڭىز، ادام كوپ جينالاتىن جەرلەرگە بارماڭىزدار جانە دەرەۋ مەديتسينالىق كومەككە جۇگىنىڭىز»، - دەپ جازىلعان حابارلامادا.
