قاراعاندىدا ءىرى ەسىرتكى زەرتحاناسى جويىلدى

ءىس-شارا بارىسىندا ساياجاي اۋماعىندا اق ءتۇستى ۇنتاق تارىزدەس زات تولتىرىلعان 6 اعاش بوشكە تابىلدى. بۇل زات ەسىرتكى جاساۋعا ارنالعان پرەكۋرسور ەكەنى انىقتالدى. كەيىنىرەك بۇل بوشكەلەر BMW X5 كولىگىنە تيەلگەنى انىقتالدى. كولىكتى 39 جاستاعى قاراعاندى قالاسىنىڭ تۇرعىنى باسقارعان. جۇك جەكە ۇيگە تاسىمالدانباق بولعان كەزدە كولىك توقتاتىلدى. ۇيگە ءتىنتۋ جۇرگىزۋ بارىسىندا 1 توننادان استام پرەكۋرسور جانە 10 كەلىدەن استام دايىن ەسىرتكى — الفا- PVP تاركىلەندى.

سونىمەن قاتار پرەكۋرسورلارى بار 6 اعاش بوشكە، سۇيىقتىعى بار 35 شىنى پاللەت، ولاردىڭ قۇرامىندا كەپتىرۋ ساتىسىنداعى پسيحوتروپتىق زات بولۋى مۇمكىن دەگەن كۇدىك بار، بەلگىسىز سۇيىقتىق قۇيىلعان 33 كانيستر، ۇنتاق تارىزدەس زات سالىنعان 4 قاپ، سۇزگىلەرى بار 5 گازتۇتقىش، جالپى سالماعى شامامەن 3 كەلى بولاتىن الفا- PVP دايىن ەسىرتكىسى سالىنعان 3 ۆاكۋۋمدى پاكەت، ەسىرتكى جاساۋعا ارنالعان جابدىق (ارالاستىرعىشتار، ۆاكۋۋماتور، جەلدەتكىش جۇيەسىنىڭ مەتالل بولشەكتەرى)، تارازىلار، تەلەفوندار، جۇيەلىك بلوك جانە زاڭسىز ارەكەتكە قولدانىلعان باسقا دا زاتتار بار.

بۇل وپەراتسيانىڭ ناتيجەسىندە قارا نارىققا 500 مىڭ دوزاعا جۋىق سينتەتيكالىق ەسىرتكىنىڭ شىعۋىنا توسقاۋىل قويىلدى. سونىمەن قاتار جاڭا قاتىسۋشىلاردى، ونىڭ ىشىندە ازاماتتىق تۇرعىندار اراسىنان كۋرەرلەردى (جاسىرىن قويىپ كەتۋشىلەردى) قىلمىستىق ارەكەتكە تارتۋدىڭ الدىن الۋ مۇمكىن بولدى. قىلمىستىق ءىس بويىنشا كۇدىكتى ۋاقىتشا ۇستاۋ يزولياتورىنا قامالدى.

تاركىلەنگەن زاتتارعا ساراپتاما تاعايىندالىپ، تەرگەۋ امالدارى جالعاسىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى