قاراعاندىدا ادامدارعا كۇش قولدانىپ، اقشا بوپسالاعان قىلمىستىق توپ ۇستالدى
قاراعاندى پوليتسەيلەرى اقشا بوپسالاعان قىلمىستىق توپتى قۇرىقتادى. Kazinform بۇل تۋرالى Polisia.kz كە سىلتەمە جاساپ حابارلايدى.
قاراعاندى وبلىستىق پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرىنە بەلگىسىز تۇلعالار جاسى 18 بەن 20 ارالىعىنداعى ءۇش ازاماتتان اقشا مەن مۇلىك بوپسالادى دەگەن اقپارات ءتۇستى. كۇدىكتىلەر جابىرلەنۋشىلەرگە كۇش قولدانۋ ارقىلى 27 جانە 57 مىڭ تەڭگە شاعىن نەسيە راسىمدەتىپ، سونىمەن قاتار 850 مىڭ تەڭگەگە تاۋارلىق نەسيە الدىرىپ، كەيىن نەسيەگە الىنعان تەلەفوندى وزدەرى تارتىپ العان.
اتالعان دەرەك بويىنشا پوليتسيادا قازاقستان رەسپۋبليكاسى ق ك- ءنىڭ 194-بابىنا سايكەس قىلمىستىق ءىس قوزعالدى.
«جەدەل- ىزدەستىرۋ ءىس- شارالارى بارىسىندا ۇيىمداسقان قىلمىسقا قارسى كۇرەس باسقارماسىمەن «ارلان» ارنايى ماقساتتاعى ءبولىنىسى قىزمەتكەرلەرىنىڭ بىرلەسكەن جۇمىسىنىڭ ناتيجەسىندە وسى ىسكە قاتىسى بار دەگەن كۇدىكپەن 18 بەن 20 جاس ارالىعىنداعى ءۇش ازامات ۇستالدى. ۇستالعانداردان ايعاق زاتتار تاركىلەندى. سونىمەن قاتار كۇدىكتىلەردىڭ بىرىنەن تاپانشا الىندى. كۇدىكتىلەردىڭ ەكەۋى ۋاقىتشا ۇستاۋ يزولياتورىنا قامالدى. قازىرگى ۋاقىتتا تەرگەۋ ارەكەتتەرى جۇرگىزىلىپ جاتىر»، - دەدى قاراعاندى وبلىستىق پوليتسيا دەپارتامەنتىنىڭ باستىعى سانجار اديلوۆ.
