قاراعاندىدا 15 تەگى قىزدى 38 جاستاعى ەركەككە تۇرمىسقا بەرگەن

وقيعا قاراعاندى وبلىسىنىڭ اباي قالاسىندا بولدى. الەۋمەتتىك جەلىلەردە 15 جاستاعى قىزدىڭ اناسى مەن وگەي اكەسى ونى 38 جاستاعى ەركەككە كۇيەۋگە بەرگەنى تۋرالى حابار پايدا بولدى.

پوليتسيا كامەلەتكە تولماعان بالاعا زورلىق-زومبىلىق جاساعان ەر ادامدى قاماۋعا الدى. اتالعان فاكتى بويىنشا قىلمىستىق ءىس قوزعالدى.

- 15 جاستاعى قىزعا قاتىستى قىلمىس جاسادى دەگەن كۇدىكپەن 38 جاستاعى ەر ادام ۇستالىپ، ۋاقىتشا ۇستاۋ يزولياتورىنا قامالدى. پوليتسياعا ارىز 15-ناۋرىزدا كەلىپ ءتۇستى، سودان كەيىن دەرەۋ قىلمىستىق ءىس قوزعالدى. قازىرگى ۋاقىتتا تەرگەۋ شەڭبەرىندە وقيعانىڭ بارلىق ءمان-جايىن انىقتاۋعا باعىتتالعان قاجەتتى سوت-ساراپتامالىق جۇمىستار جۇرگىزىلۋدە. كامەلەتكە تولماعان جابىرلەنۋشىمەن پسيحولوگتار جۇمىس ىستەۋدە، - دەپ حابارلايدى قاراعاندى وبلىسى پ د باسپا ءسوز قىزمەتى.

اتالعان وقيعاعا ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى دە تۇسىنىك بەردى.

- قازىرگى تاڭدا تەرگەۋ جۇرگىزىلۋدە، قىلمىستىق ءىس قوزعالدى. قاجەتتى ساراپتامالار تاعايىندالدى. قىز بالا اكەسىمەن بىرگە، وعان بارلىق قاجەتتى پسيحولوگيالىق كومەك جانە زاڭگەرلىك قولداۋ كورسەتىلەدى. بالا قۇقىقتارى جونىندەگى وڭىرلىك ۋاكىل ۇنەمى بالانىڭ اكەسىمەن بايلانىستا، سونداي-اق وگەي اكەسى مەن اناسىن قىلمىستىق جاۋاپكەرشىلىككە تارتۋ تۋرالى تالاپ قويىلماق. بالالاردىڭ قۇقىقتارىن قورعاۋ كوميتەتى جاعدايدى نازاردا ۇستايدى جانە بالانىڭ قۇقىقتارىن قورعاۋ ءۇشىن بارلىق قاجەتتى شارالاردى قابىلدايدى، - دەلىنگەن بالالاردىڭ قۇقىقتارىن قورعاۋ كوميتەتىنىڭ رەسمي حابارلاماسىندا.

قازىر جابىرلەنۋشى بالانىڭ وگەي اكەسى مەن اناسىن جاۋاپكەرشىلىككە تارتۋ ماسەلەسى شەشىلۋدە.

بۇعان دەيىن س ق و- دا قىزىن زورلاعان ەر ادامدى ءومىر بويىنا باس بوستاندىعىنان ايىرىلعانى تۋرالى حابارلاعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى