قاراعاندى وبلىسىندا بالا ساۋدالاۋ فاكتىسى بويىنشا تەرگەۋ باستالدى
استانا. KAZINFORM - قاراعاندى وبلىسىندا پروكۋراتۋرا كامەلەتكە تولماعان بالانى ساۋدالاۋ فاكتىسى بويىنشا سوتقا دەيىنگى تەرگەۋ باستاۋعا باستاماشىلىق جاسادى.
مەكتەپ جاسىنداعى بالا «وتباسىنىڭ سيفرلىق كارتاسىندا» مەكتەپكە بارمايتىن بالا رەتىندە تىركەلگەنى انىقتالدى.
تەكسەرىس كورسەتكەندەي، قۇجاتتار بويىنشا بالا 2011 -جىلى قاراعاندى قالاسىنىڭ وبلىستىق پەريناتالدىق ورتالىعىندا جاڭا تۋعان نارەستە كەزىندە قالدىرىلىپ، كەيىن وساكاروۆ اۋدانىنداعى «پيونەرسكي» بالالار ۇيىنە تاپسىرىلعان.
پروكۋراتۋرا بۇل اقپاراتتىڭ شىندىققا سايكەس كەلمەيتىنىن، بالانىڭ ءىس جۇزىندە جوعالىپ كەتكەنىن جانە ونىڭ قايدا ەكەنى بەلگىسىز ەكەنىن انىقتادى.
وساكاروۆ اۋدانى پروكۋرورىنىڭ نۇسقاۋى بويىنشا قازاقستان رەسپۋبليكاسى قىلمىستىق كودەكسىنىڭ 135-بابى - كامەلەتكە تولماعانداردى ساۋدالاۋ فاكتىسى بويىنشا سوتقا دەيىنگى تەرگەپ-تەكسەرۋ باستالدى.
اۆتور
ەربول جانات
