قارۋ وتكىزگەن ادامعا قانشا سىياقى بەرىلەدى

بۇگىننەن باستاپ رەسپۋبليكا كولەمىندە زاڭسىز ساقتاۋدا تۇرعان اتىس قارۋىن، وق-دارىلەر مەن جارىلعىش زاتتاردى ساتىپ الۋ اكسياسى باستالدى. ءىس-شارا ق ر ءى ءى م- ءنىڭ نۇسقاۋىنا سايكەس، قوعامدىق قاۋىپسىزدىكتى قامتاماسىز ەتۋ، اتىس قارۋى مەن جارىلعىش زاتتاردى قولدانا وتىرىپ جاسالاتىن قىلمىستار مەن قۇقىق بۇزۋشىلىقتاردىڭ الدىن الۋعا باعىتتالعان.

اتاپ ايتار بولساق؛

- اۆتوماتتى ويىق قارۋعا - 393200 تەڭگەگە دەيىن،

- ۇزىن ويىق ۇڭعىلى قارۋعا - 196600 تەڭگەگە دەيىن،

- قىسقا ۇڭعىلى ويىق قارۋعا - 157280 تەڭگەگە دەيىن،

- تەگىس ۇزىن ۇڭعىلى قارۋعا - 117960 تەڭگەگە دەيىن بەرىلەدى.

ودان بولەك؛

- تراۆماتيكالىق تاپانشا نەمەسە ريەۆولۆەرگە - 39320 تەڭگەگە دەيىن،

- جارىلعىش زات جانە ارتەريالىق سناريادقا - 27524 تەڭگەگە دەيىن،

- جارىلعىش زاتتىڭ 1000 گرامىنا - 23592 تەڭگەگە دەيىن بەرىلەدى.

سونداي-اق 5,6 م م كاليبردەن جوعارى ويىق ۇڭعىلى قارۋدان اتۋعا ارنالعان وقتىڭ داناسىنا - 112 تەڭگە، 5,6 م م كاليبرلى كىشى ويىق ۇڭعىلى قارۋدان اتۋعا ارنالعان وقتارعا داناسىنا 34 تەڭگە بەرىلەدى.

- زاڭسىز ساقتاۋداعى قارۋ-جاراق قۇرالدارىن ساتىپ الۋ جونىندەگى اكسيا ق ر ىشكى ىستەر ءمينيسترىنىڭ 2015-جىلعى 27-ناۋرىزداعى بۇيرىعىمەن بەكىتىلگەن. ەرىكتى تۇردە تاپسىرىلاتىن اتىس قارۋىنا، وق-دارىلەر مەن جارىلعىش زاتتارعا دارەجەسىنە قاراي اقشالاي سىياقى بەرىلەدى. زاڭسىز ساقتالعان اتىس قارۋىن، وق-دارىلەردى جانە جارىلعىش زاتتاردى ەرىكتى تۇردە تاپسىرعان ازاماتتار قىلمىستىق جانە اكىمشىلىك جاۋاپكەرشىلىكتەن بوساتىلادى، - دەدى تۇركىستان وبلىسى پوليتسيا دەپارتامەنتىنىڭ اكىمشىلىك پوليتسيا باسقاراماسىنىڭ ينسپەكتورى ابدۋللا امانبايەۆ.

ايتا كەتەيىك، بۇدان بۇرىن شىمكەنتتە مۇعالىمدى بوپسالاعان بلوگەر ۇستالعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى