قار ارالاس جاڭبىر، نايزاعاي: 14 وڭىردە ەسكەرتۋ جاريالاندى
«قازگيدرومەت» ر م ك 20- قىركۇيەك كۇنى اۋا رايىنىڭ بۇزىلۋىنا بايلانىستى ءبىرقاتار وڭىردە ەسكەرتۋ جاريالادى، دەپ حابارلايدى قازاقپارات.
جەتىسۋ وبلىسىنىڭ شىعىسى مەن ورتالىعىندا قاتتى جاڭبىر جاۋادى. تاۋلى جەرلەردە قار ارالاس جاڭبىر كۇتىلەدى. وبلىستىڭ شىعىسىندا، ورتالىعىندا، تاۋلى اۋداندارىندا نايزاعاي ويناپ، وڭتۇستىك-باتىستان جەل سوعادى، ەكپىنى 15-20 م/س قۇرايدى، كەي ۋاقىتتا 23-28 م/س ارتادى.
كۇندىز سولتۇستىك قازاقستان وبلىسىنىڭ باسىم بولىگىندە - جاڭبىر، سولتۇستىگىندە، شىعىسى مەن وڭتۇستىگىندە نايزاعاي، تۇمان، كۇندىز بۇرشاق كۇتىلەدى. سولتۇستىك-باتىستان جەل سوعادى، كۇندىز نايزاعاي كەزىندە ەكپىنى 15-20 م/س قۇرايدى.
الماتى وبلىسىنىڭ وڭتۇستىگىندە، تاۋلى اۋداندارىندا كۇندىز قاتتى جاڭبىر، نايزاعاي، بۇرشاق بولجانادى. تۇندە جانە تاڭەرتەڭ تاۋلى، تاۋ بوكتەرىندەگى اۋدانداردا تۇمان كۇتىلەدى. وڭتۇستىك- باتىستان جەل سوعادى، نايزاعاي كەزىندە ەكپىنى 17-22 م/س قۇرايدى. ءورت تۇتانۋ قاۋپى جوعارى.
تۇندە جانە تاڭەرتەڭ باتىس قازاقستان وبلىسىنىڭ سولتۇستىگىندە تۇمان كۇتىلەدى.
تۇركىستان وبلىسىنىڭ سولتۇستىگىندە، وڭتۇستىگىندە، باتىسىندا، تاۋلى جانە تاۋ بوكتەرىندەگى اۋدانداردا نايزاعاي، تۇندە سولتۇستىگىندە شاڭدى داۋىل بولجانادى. سولتۇستىك-باتىستان جەل سوعادى، كۇشى 15-20 م/س قۇرايدى. ءوڭىردىڭ ءشولدى اۋداندارىندا جوعارى ءورت قاۋپى ساقتالادى.
شىمكەنت قالاسىندا كەي ۋاقىتتا نايزاعاي ويناپ، سولتۇستىك-باتىستان جەل سوعادى، ەكپىنى 15-20 م/س قۇرايدى.
ۇلىتاۋ وبلىسىنىڭ سولتۇستىگىندە، وڭتۇستىگى مەن شىعىسىندا نايزاعاي كۇتىلەدى. ءوڭىردىڭ وڭتۇستىگىندە ءورت شىعۋ قاۋپى ساقتالادى.
اقمولا وبلىسىنىڭ باتىسىندا، سولتۇستىگى مەن وڭتۇستىگىندە - نايزاعاي، باتىسى مەن سولتۇستىگىندە تۇندە جانە تاڭەرتەڭ تۇمان بولجانادى. سولتۇستىكتەن، سولتۇستىك-باتىستان جەل سوعادى، كۇندىز ەكپىنى 15-20 م/س قۇرايدى.
قوستاناي وبلىسىنىڭ سولتۇستىگىندە، شىعىسى مەن وڭتۇستىگىندە - نايزاعاي، باتىسى مەن سولتۇستىگىندە تۇندە جانە تاڭەرتەڭ تۇمان كۇتىلەدى. وڭتۇستىك- باتىستان سوعاتىن جەل سولتۇستىك-باتىسقا اۋىسىپ، كۇندىز كۇشى 15-20 م/س قۇرايدى.
قاراعاندى وبلىسىنىڭ سولتۇستىگىندە، وڭتۇستىگى مەن شىعىسىندا نايزاعاي كۇتىلەدى. سولتۇستىك- شىعىستان سوعاتىن جەل وڭتۇستىك- باتىسقا اۋىسىپ، كۇندىز ەكپىنى 18 م/س قۇرايدى.
استانا قالاسىندا كەي ۋاقىتتا نايزاعاي كۇتىلەدى.
كۇندىز پاۆلودار وبلىسىنىڭ باتىسى مەن وڭتۇستىگىندە نايزاعاي بولجانادى.
تۇندە جانە تاڭەرتەڭ ماڭعىستاۋ وبلىسىنىڭ سولتۇستىك-شىعىسىندا، ورتالىعىندا تۇماندى بولادى.
تۇندە جامبىل وبلىسىنىڭ شىعىسىندا، تاۋلى اۋداندارىندا قاتتى جاڭبىر كۇتىلەدى. ءوڭىردىڭ سولتۇستىگىندە، شىعىسىندا، وڭتۇستىك- باتىسى مەن تاۋلى اۋداندارىندا نايزاعاي ويناپ، بۇرشاق جاۋادى. وڭتۇستىك-باتىستان جەل سوعادى، كۇشى 15-20 م/س قۇرايدى. جوعارى ءورت قاۋپى ساقتالادى.
