قاقپاعى اشىلعان سايىن، زيانى ارتادى: پلاستيك بوتەلكەگە قاتىستى جاڭا زەرتتەۋدەن توسىن دەرەك بەلگىلى بولدى

گازدالعان سۋسىن بوتەلكەلەرىنەن كوپ مولشەردە ميكرو جانە نانوپلاستيك انىقتالدى، ءارى ولاردىڭ سانى بوتەلكەنىڭ نەشە رەت اشىلعانىنا بايلانىستى كوبەيەتىنى بەلگىلى بولدى.

وسى اپتادا جاريالانعان ەسەپكە سايكەس، فرانسۋزدىق ۇكىمەتتىك ەمەس ۇيىم Coca-Cola جانە Schweppes گازدالعان سۋسىندارىنان التى ءتۇرلى پلاستيك ءتۇرىن تاپقان.

Agir pour l'environnement (قورشاعان ورتانى قورعاۋ) ۇيىمى بوتەلكەنى ءبىر رەت، 10 نەمەسە 20 رەت اشقان جاعدايدا نانو جانە ميكروپلاستيكتەردىڭ قانشالىقتى تارالاتىنىن زەرتتەۋ ءۇشىن ەكى زەرتحانانى تارتقان.

ەسەپتە التى ءتۇرلى پوليمەر انىقتالدى. ۇيىمنىڭ مالىمدەمەسىندە: «ناتيجەلەر تاڭقالارلىق، سەبەبى وندىرۋشىلەر سۋسىنمەن تەك ەكى پوليمەردىڭ جاناساتىنىن ايتادى: قاقپاق ءۇشىن پوليەتيلەن (پ ە) جانە بوتەلكە ءۇشىن پەت»، - دەلىنگەن.

Agir ۇيىمىنىڭ زەرتتەۋلەر جانە تالداۋ جۇرگىزۋ ءبولىمىنىڭ جەتەكشىسى ماگالي لەروي: «بۇل ناتيجەلەر Coca-Cola جانە فرانسۋزدىق دەنساۋلىق ساقتاۋ ورگاندارىنىڭ ءىس-ارەكەتتەرىنە كۇمان كەلتىرەدى، ولار تۇتىنۋشىلارعا دەنساۋلىققا اسەر ەتۋى مۇمكىن مولەكۋلالاردان قورعالعان كونتەينەر ۇسىنۋى كەرەك»، - دەپ مالىمدەدى.

العاشقى اشىلعاننان كەيىن ءبىر ليتر Coca-Cola-دا ءتورت ميكروبولشەك، ال ءبىر ليتر Schweppes-تە 4,6 ميكروبولشەك انىقتالعان. بوتەلكەنى 20 رەت اشقاننان كەيىن ءبىر ليتر Coca-Cola-دا 46 ميكروبولشەك، ال ءبىر ليتر Schweppes-تە 62 ميكروبولشەك تابىلدى.

زەرتتەۋ اۆتورى بۇل جاعدايدىڭ سەبەبى رەتىندە پلاستيك قاقپاقتىڭ بۇزىلۋىن اتاپ ءوتتى، ناتيجەسىندە بوتەلكە ءجيى اشىلعان سايىن بولشەكتەردىڭ سانى ارتا تۇسەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى