قانت قوسىلعان سۋسىندارعا قوسىمشا سالىق سالۋ قانداي ناتيجە بەرەدى

- 2026 -جىلعا دەيىن دەنساۋلىق ساقتاۋ جۇيەسىن دامىتۋ كونسەپتسياسى بەكىتىلگەن بولاتىن. سونىڭ اياسىندا ءتاتتى سۋسىندارعا سالىق سالۋ كوزدەلگەن. دۇنيەجۇزىلىك بانكپەن بىرگە سول سالىقتىڭ ءتۇرىن ەكونوميكالىق جاعىنان زەرتتەپ جاتىرمىز. ۇسىنىستاردى ازىرلەدىك، ونى قارجى جانە ۇلتتىق ەكونوميكا مينيسترلىكتەرىنە جولدادىق. قازىر ورتالىق ورگاندار ونى تالقىلانىپ جاتىر، - دەدى ت. سۇلتانعازيەۆ سەناتتا تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، ۇسىنىس بويىنشا اكسيزدىڭ ناقتى سوماسى بىرتىندەپ كوتەرىلەدى. بۇل تۇرعىدا اكسيز (ءتاتتى سۋسىننىڭ 1 ليترىنە) شامامەن 100 تەڭگەگە كوتەرىلەدى.

- وكىنىشكە قاراي قازىر سەمىزدىككە شالدىعىپ جاتقان بالالار كوبەيىپ جاتىر. 6-9 جاس ارالىعىنداعى بالالاردىڭ ءاربىر 20 پايىزىندا ارتىق سالماعى بار، ونىڭ 7 پايىزى سەمىزدىك اۋرۋىنا شالدىققان. دۇنيەجۇزىلىك بانكپەن بىرگە جاساعان مودەلدەۋ بويىنشا ءتاتتى سۋسىنداردىڭ ساتىلىمى ازايادى. ال تازا سۋدى ساتۋ كورسەتكىشى 40 پايىزعا دەيىن جوعارىلايدى، - دەدى ۆيتسە- مينيستر.

بۇعان دەيىن دەنساۋلىق ساقتاۋدى دامىتۋ تۇجىرىمداماسىن ىسكە اسىرۋ اياسىندا قۇرامىندا قانتى بار سۋسىندارعا سالىق ەنگىزۋ ماسەلەسى پىسىقتالىپ جاتقانى حابارلاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى