قانشا بالا ەل ىشىندە تەگىن ساياحاتتادى

تۋروپەراتورلار بالالار اۋە بيلەتىنىڭ قۇنىن قوسپاعاندا، 415,6 ميلليون تەڭگەگە تۋر ساتقان. مەملەكەت تاراپىنان 114,5 ميلليون تەڭگە كولەمىندەگى اۋە بيلەتىنىڭ قۇنى وتەلدى. بۇل جالپى ساتىلعان تۋردىڭ %28 ى.

باعدارلاما ىشكى ءتۋريزمدى جانە وتباسىلىق ساياحاتتى دامىتۋعا باعىتتالعان. ياعني، قازاقستاندىق وتباسىلارعا ەلدىڭ ەڭ كوركەم جانە قىزىقتى جەرلەرىن كورىپ، تانۋعا مۇمكىندىك بەرەدى.

الاكول كولىنىڭ جاعالاۋى Kids Go Free باعدارلاماسىنىڭ ەڭ كوپ سۇرانىسقا يە باعىتى رەتىندە الدىڭعى قاتاردا تۇر. وتكەن جىلمەن سالىستىرعاندا بيىل الاكولگە ساتىلعان تۋرلار سانى %20 عا وسكەن. ياعني، بيىل 700 دەن استام بالا الاكولگە تەگىن ساياحاتتاعان.

كەيىنگى ساتىعا الماتى مەن الماتى وبلىسىنىڭ ماڭىنداعى ايماقتار ورنالاسقان. اتالعان وڭىرگە كەلۋشىلەر سانى بىلتىرمەن سالىستىرعاندا %24 عا ارتقان. بيىل 330 دان استام وتباسى الماتى مەن الماتى وبلىسىنا ساياحاتتاعان. بالالار اۋە بيلەتىنىڭ قۇنىن وتەۋ سوماسى 41,6 ميلليون تەڭگە بولسا، 135,3 ميلليون تەڭگەگە تۋرلار ساتىلعان.

شۋچە- بۋراباي كۋرورتتىق ايماعى مەن استانا قالاسى دا Kids Go Free باعدارلاماسىنىڭ ەڭ تانىمال باعىتتارىنىڭ ءبىرى سانالادى. مۇندا جازعى جانە قىسقى دەمالىسقا سۇرانىس جوعارى.

ايتا كەتەيىك، 2023 -جىلى باعدارلاما اياسىندا 920 تۋرعا ءوتىنىم ماقۇلدانىپ، 1975 بالا ەل ىشىندە تەگىن ساياحاتتاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى