قۋاندىق بيشىمبايەۆتىڭ ايەلىنىڭ ءولىمى بويىنشا تەرگەۋ باستالدى
بۇرىنعى ۇلتتىق ەكونوميكا ءمينيسترى قۋاندىق بيشىمبايەۆتىڭ ايەلىنىڭ ولىمىنە قاتىستى ءىس تەرگەۋگە الىندى، دەپ حابارلايدى Kazinform استانا قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«استانا قالاسىنداعى مەيرامحانالاردىڭ بىرىندە ايەلدىڭ قازا تابۋ فاكتىسى بويىنشا ەلوردا پوليتسيا دەپارتامەنتى قازاقستان رەسپۋبليكاسى ق ك- ءنىڭ 99-بابى 1-بولىگى بويىنشا تەرگەۋ جۇمىسىن باستالدى»، - دەلىنگەن حابارلامادا.
ايتا كەتەيىك، كەشە كەشكە ەكس- شەنەۋنىك قۋاندىق بيشىمبايەۆ ءوز ايەلىن ۇرىپ ءولتىردى.
بۇگىن ىشكى ىستەر مينيسترلىگى استانا مەيرامحاناسىنداعى كىسى ءولىمى بويىنشا قۋاندىق بيشىمبايەۆتىڭ ۇستالعانىن راستادى.
