قۋاندىق بيشىمبايەۆ قانشا جىلعا سوتتالۋى مۇمكىن؟
استانا. KAZINFORM - بيشىمبايەۆتىڭ ىسىندە جابىرلەنۋشى تاراپتىڭ ادۆوكاتى جاننا ورازباقوۆا ەكس-مينيستر قۋاندىق بيشىمبايەۆتىڭ قانشا جىلعا سوتتالۋى مۇمكىن ەكەنىن ايتتى، - دەپ حابارلايدى Massaget.kz ءتىلشىسى.
ب ا ق وكىلى ادۆوكاتقا «سوتتالۋشى ەكس-مينيستر قۋاندىق بيشىمبايەۆ قانشا جىلعا سوتتالۋى مۇمكىن؟» دەپ سۇراق قويدى.
«ەگەر ءبارى داۋىس بەرسە 3، ياعني القابيلەردىڭ 10/10 داۋىس بەرەتىن بولسا جانە بۇرىن سوتتالعانىن، ءىستىڭ قاۋىپتى ەكەنىن ەسكەرىپ كوپ جىل بەرۋى مۇمكىن. ءوزىم 20-25 جىل ارالىعىندا باس بوستاندىعىنان ايىرۋ جازاسى بەرىلەدى دەپ بولجايمىن»، - دەدى جاننا ورازباقوۆا.
سونىمەن قاتار سالتاناتتىڭ اكەسى امانگەلدى نۇكەنوۆ بيشىمبايەۆتى ءومىر باقي تۇرمەگە توعىتىلاتىنىنا سەنىمدى.
«كۇندە ءولىپ، كۇندە ءتىرىلىپ جاتىرمىز. بىزدەن كوبى جازانىڭ قانداي بولاتىنىن سۇراپ جاتىر. بۇكىل الەم ءومىر باقي تۇرمەگە قاماۋ كەرەك دەپ ايتۋدا. ءبىز قازاقپىز، سارت ەمەسپىز. ءبىز دالا زاڭىن قۇرمەتتەيمىز. مەن بۇل ايۋان ءومىر باقيعا سوتتالادى دەپ ۇمىتتەنەمىن»، - دەدى امانگەلدى نۇكەنوۆ.
ەسكە سالا كەتسەك، بۇعان دەيىن بيشىمبايەۆ ىسىندە القابيلەرگە قويىلعان سۇراقتار بەلگىلى بولعانىن جازدىق.
