قانداي جاعدايدا مەديتسينالىق قىزمەتكەردى ۇيگە شاقىرۋعا بولادى
پەتروپاۆل. KAZINFORM - بەس جاسقا دەيىنگى بالالارعا، جۇكتى جانە بوسانعان ايەلدەرگە دەنساۋلىعى سىر بەرگەن جاعدايدا مەديتسينالىق قىزمەتكەرلەر ۇيگە كەلىپ قىزمەت كورسەتۋگە مىندەتتى.
مەديتسينالىق كومەكتى ءۇي جاعدايىندا الۋعا تاعى كىمدەر قۇقىلى؟ بۇل جايىندا «الەۋمەتتىك مەديتسينالىق ساقتاندىرۋ قورى» ك ە ا ق سولتۇستىك قازاقستان وبلىستىق فيليالىندا ايتىپ بەردى.
جاسى 65 تەن اسقاندار دا ءجۇرىس-تۇرىسى قيىنداعان جاعدايدا ماماندى ۇيگە شاقىرا الادى.
سونداي-اق ۋچاسكەلىك مەدبيكە نەمەسە فەلدشەر:
- شاقىرۋ كەزىندە سىرقاتتىڭ دەنە تەمپەراتۋراسى 38 گرادۋس بولسا؛
- جاعدايىنىڭ قاتتى ناشارلاۋىنسىز قان قىسىمىنىڭ جوعارىلاۋىندا؛
- مەديتسينالىق كومەكتى جانە ۇيدە كونسۋلتاتسيانى قاجەت ەتەتىن جاي-كۇيلەر، اۋرۋلار، جاراقاتتار (ەسىن جوعالتپاي، قان كەتۋ بەلگىلەرى جوق، جاي-كۇيىنىڭ كەنەتتەن ناشارلاۋى بولماعاندا) ۇيگە كەلىپ، قىزمەت كورسەتەدى.
ال ۋچاسكەلىك دارىگەردى ۇيگە:
- شاقىرۋدى قابىلداۋ كەزىندە ەمحانا تىركەۋشىسى، ۋچاسكەلىك مەدبيكە نەمەسە ۇيدە دارىگەرلىك قاراۋدى تالاپ ەتەتىن شاقىرۋعا قىزمەت كورسەتكەن فەلدشەر باعالاعان جاعدايدا؛
- ۆاكسيناتسيادان كەيىنگى جاعداي ناشارلاعاندا شاقىرۋعا بولادى.
بۇعان دەيىن قازاقستاندا كىمدەرگە پلاستيكالىق وتا تەگىن جاسالاتىندىعىن جازعان ەدىك.
اۆتور
اقەركە داۋرەنبەك قىزى
