قانداي جاعدايدا شەكارادان وتكەندەردى سانيتار ماماندار تەكسەرەدى

كەدەن وداعىنىڭ شەكاراسىندا مەملەكەتتىك سانيتاريالىق- ەپيدەميولوگيالىق قاداعالاۋ كەدەن وداعى كوميسسياسىنىڭ 2010 -جىلعى 28-مامىرداعى № 299-شەشىمىمەن بەلگىلەنگەن.

كولىك پەن ادامدار كەدەن وداعىنىڭ اۋماعىنا جانە اۋماعىنان كەلگەننەن (كەتكەننەن) كەيىن حالىقتىڭ سانيتاريالىق- ەپيدەميولوگيالىق اماندىعى سالاسىندا توتەنشە جاعداي قاۋپى بولعان جاعدايدا سانيتاريالىق كارانتين باقىلاۋىنان ءوتۋى كەرەك.

مىناداي قاۋىپ-قاتەر كەزىندە سانيتاريالىق تەكسەرۋ جاسالادى:

- كولىك اۋرۋ جۇقتىرعان ەلدەردەن (ەلگە) جانە حيميالىق، رادياتسيالىق اۆاريا اۋداندارى بار ەلدەردەن (دۇنيەجۇزىلىك دەنساۋلىق ساقتاۋ ۇيىمىنىڭ تىزبەسىنە سايكەس) كەلگەن (كەتكەن) كەزدە؛

- اۋماقتى سانيتاريالىق قورعاۋ شارالارىن جۇرگىزۋدى تالاپ ەتەتىن اۋرۋعا كۇدىكتى ادامداردىڭ اۋە نەمەسە تەڭىز كەمەسىنىڭ بورتىندا بولماۋى تۋرالى الدىن الا اقپاراتتى بەلگىلەنگەن تارتىپپەن حابارلاماۋ؛

- كولىك قۇرالىندا اۋرۋ جۇقتىرعان ەلدەردەن حالىقارالىق رەيسپەن كەلگەن نەمەسە ينكۋباتسيالىق كەزەڭ شەگىندە وسىنداي ەلدەردەن كەلگەن ادامداردىڭ بولۋى؛

- بۇرىن جۇزەگە اسىرىلعان سانيتاريالىق كارانتين باقىلاۋ بارىسىندا حالىقارالىق تاسىمالدى جۇزەگە اسىراتىن كولىكتە حالىقتىڭ سانيتاريالىق- ەپيدەميولوگيالىق سالاماتتىلىعىن قامتاماسىز ەتۋ سالاسىنداعى زاڭنامانىڭ بۇزىلۋىن انىقتاۋ؛

- بۇتىندىگى بۇزىلعان، قۇرامىندا ءىش كيىم، كيىم، توسەك- ورىن جابدىقتارى نەمەسە تۇرمىستا پايدالاناتىن وزگە دە زاتتار، ىدىس-اياق، ويىنشىقتار بار جانە اۋرۋ جۇقتىرعان ەلدەردەن نەمەسە ەپيدەميا ايماعىنان كەلگەن حالىقارالىق پوچتا جونەلتىمدەرى؛

- اۋرۋعا كۇدىكتى ادامداردىڭ كولىكتە بار ەكەنى تۋرالى اقپاراتتىڭ ءتۇسۋى؛

- كەمىرگىشتەردىڭ نەمەسە ولاردىڭ ءىزىنىڭ كولىك قۇرالىندا بولۋى؛

- اۋرۋ جۇقتىرعان اۋداندارى بار ەلدەردەن نەمەسە ەپيدەميا ايماقتارىنان كەلگەن كولىك قۇرالىندا جاندىكتەردىڭ بولۋى؛

- باقىلاۋداعى رادياتسيالىق فونى جوعارى تاۋارلاردى، كولىك قۇرالىنىڭ ورنىن اۋىستىرۋ فاكتىسىن انىقتاۋ.

بۇكىل شارالار ادام دەنساۋلىعىنا ىقتيمال قاۋىپتى ونىمدەردى اكەلۋگە، ينفەكسيالىق اۋرۋلاردىڭ اكەلىنۋىنە جانە تارالۋىنا جول بەرمەي، سانيتاريالىق- ەپيدەميولوگيالىق قاۋىپسىزدىكتىڭ جوعارى ستاندارتىن قامتاماسىز ەتۋگە مۇمكىندىك بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى