قانات بوزىمبايەۆ قازاقستاندا ا ە س سالۋ ماسەلەسىنە پىكىر ءبىلدىردى
استانا. KAZINFORM - پرەزيدەنت كەڭەسشىسى قانات بوزىمبايەۆ نازاربايەۆ ۋنيۆەرسيتەتتە ءوتىپ جاتقان حالىقارالىق فورۋم بارىسىندا ب ا ق وكىلدەرىنىڭ ساۋالىنا بەرگەن جاۋابىندا قازاقستاندا ا ە س سالۋ ماسەلەسىنە پىكىر ءبىلدىردى.
«ەنەرگەتيكا سالاسىندا جۇمىس ىستەگەن ادام رەتىندە پىكىرىڭىزدى بىلسەك دەپ ەدىك. قازاقستاندا ا ە س سالۋ تۋرالى شەشىم قابىلدانسا، قاي ەلدىڭ تەحنولوگياسىنا جۇگىنۋ دۇرىس دەپ ەسەپتەيسىز»، - دەپ سۇرادى جۋرناليست.
«ەنەرگەتيكا سالاسىندا جۇمىس ىستەگەن ادام رەتىندە سۇراپ تۇرساڭىز، ايتايىن. اتوم ەنەرگەتيكاسى سالاسىندا ستانسا سالۋدا كوشباسشىلىق ەتىپ وتىرعان 4 مەملەكەت بار. ول، ارينە، ءبىزدىڭ ەكى كورشىمىز - قىتاي مەن رەسەي، وڭتۇستىك كورەيا جانە فرانسيا. وسى تورتەۋى باسەكەلەستىككە شىعۋى مۇمكىن»، - دەدى قانات بوزىمبايەۆ.
بۇعان دەيىن ەنەرگەتيكا ءمينيسترى الماسادام ساتقاليەۆ قازاقستاندا ا ە س سالۋعا ۇمىتكەر ۆەندەرلەر اراسىندا ا ق ش كاسىپورىندارى دا بار ەكەنىن ايتقان.
