قالا مەرى وسىدان 30 جىل بۇرىن زورلىق جاسادى دەپ ايىپتالىپ وتىر
نيۋ-يورك مەرى ەريك ادامس كوپ جىل بۇرىن مەريا قىزمەتكەرىنە ءتيىستى دەپ ايىپتالىپ وتىر. بۇرىنعى مەريا قىزمەتكەرى ونى سوتقا بەرىپ، ادامس 1993 -جىلى وعان سەكسۋالدى ماقساتتا تيىسكەنىن ايتقان، دەپ حابارلايدى Kazinform اگەنتتىگى BBC جاڭالىقتارىنا سىلتەمە جاساپ.
مەريا وكىلى ادامستىڭ ونىمەن قاشان كەزدەسكەنى ەسىندە جوق ەكەنىن جانە ايىپتاۋلاردى جوققا شىعارعانىن ايتتى.
سوتقا ارىز سارسەنبى كۇنى كەشكە نيۋ-يورك شتاتىندا 2022 -جىلى قابىلدانعان Adult Survival Act («زارداپ شەككەن ەرەسەكتەر تۋرالى») زاڭىنا سايكەس ءتۇستى.
بۇل زاڭ شتات زاڭناماسىنا وزگەرىس ەنگىزىپ، مەرزىمى ءوتىپ كەتكەن سەكسۋال قىلمىس قۇرباندارىنا 2022 -جىلدىڭ 24-قاراشاسىنان باستاپ ءبىر جىل ىشىندە ازاماتتىق ارىز بەرۋگە مۇمكىندىك بەردى.
ارىزدانۋشىنىڭ قورعاۋشىسى بۇل زاڭنىڭ ماڭىزىن، كوپ ايەلگە ادىلدىككە جەتۋگە مۇمكىندىك بەرەتىنىن اتاپ ءوتتى.
ادامس ايىپتالىپ وتىرعان كەزەڭدە نيۋ-يورك پوليتسياسىندا قىزمەت ەتكەن.
بەيسەنبى تاڭەرتەڭ مەريا وكىلى مالىمدەمە جاريالادى.
«مەر ول ادامنىڭ كىم ەكەنىن بىلمەيدى. ەگەر ولار ءبىر كەزدەرى كەزدەسكەن بولسا دا ەسىندە جوق. ءبىراق ول باسقا ادامعا فيزيكالىق زارار كەلەتىن ارەكەتكە ەشقاشان بارماس ەدى جانە مۇنداي كەز كەلگەن ايىپتاۋدى جوققا شىعارادى»، - دەلىنگەن مالىمدەمەدە.
