قاجىلىققا بارۋشىلاردى الداعان تۋرفيرما باسشىسى ۇستالدى
قاجىلىققا اپارام دەپ ەلدى الداعاندار ۇستالدى، دەپ حابارلايدى «حابار 24».
ولار ساۋد ارابياسىنىڭ مەملەكەتتىك رەسمي سايتىنا ۇقساس جالعان سايت اشقان. سول ارقىلى بەس پارىزدىڭ ءبىرىن ورىندايمىن دەپ نيەتتەنگەن جاماعاتتى الداعان.
ىشكى ىستەر مينيسترلىگىنىڭ تەرگەۋ دەپارتامەنتى الاياقتىق فاكتىسى بويىنشا قىلمىستىق ءىس قوزعاپ، «Zam Zam Qazaqstan» تۋريستىك كومپانياسىنىڭ باسشىسىن اباقتىعا قامادى.
بالابەك بەكبولاتوۆ، ءى ءى م تەرگەۋ دەپارتامەنتىنىڭ باسقارما باستىعىنىڭ ورىنباسارى:
- ساۋد ارابياسى مەملەكەتتىك ورگاننىڭ رەسمي سايتىنا ۇقساس، قاجىلىق جاساۋعا بەرىلگەن ۆيزا راستايتىن جالعان سايتتى قۇرۋ فاكتىسى انىقتالدى. 22-قاراشادا سوت سانكسياسىمەن كۇدىكتى قاماۋعا الىندى. سوتقا دەيىنگى تەرگەۋ جالعاسىپ جاتىر. قىلمىستىق ءىس جۇرگىزۋ كودەكسىنىڭ 201-بابىنا سايكەس تەرگەۋ مۇددەسىندە وزگە دە مالىمەتتەر جاريا ەتىلمەيدى.
