قاشاعان 2025-جىلدان باستاپ سۇيىتىلعان گازدى ەل نارىعىنا شىعاراتىن بولدى
استانا. KAZINFORM - ەنەرگەتيكا مينيسترلىگى قاشاعان سۇيىتىلعان مۇناي گازىن قازاقستان نارىعىنا جەتكىزۋ بويىنشا الدىن الا كەلىسىمگە كەلدى.
بۇگىن ۇكىمەتتىڭ ىشكى نارىقتى سۇيىتىلعان مۇناي گازىمەن قامتاماسىز ەتۋ جونىندەگى تاپسىرماسىن ورىنداۋ شەڭبەرىندە ەنەرگەتيكا مينيسترلىگى قاشاعان كەن ورنىنىڭ اكتسيونەرلەرىمەن بىرلەسىپ سۇيىتىلعان مۇناي گازىن ىشكى نارىققا جەتكىزۋ تۋرالى الدىن الا كەلىسىمگە قول جەتكىزدى.
وعان سايكەس، QazaqGaz ۇلتتىق كومپانياسى قاشاعان كەن ورنىنىڭ اكتسيونەرلەرىمەن «بولاشاق» بىرىكتىرىلگەن مۇناي جانە گازدى كەشەندى قايتا وڭدەۋ قوندىرعىسىندا وندىرىلگەن سۇيىتىلعان مۇناي گازىنىڭ بولاشاق الەۋەتتى جەتكىزىلىمدەرى تۋرالى كەلىسسوزدەر جۇرگىزۋگە ۇسىنىلىپ وتىر.
بۇگىنگى تاڭدا تاراپتار 2024-جىلى سۇيىتىلعان مۇناي گازى سالاسىنداعى ينفراقۇرىلىمدىق جوبا بويىنشا تۇپكىلىكتى ينۆەستيتسيالىق شەشىم قابىلداۋ باعىتىندا ىنتىماقتاستىق جۇرگىزىپ جاتىر.
قازاقستاندىق نارىققا سۇيىتىلعان مۇناي گازىن جەتكىزۋ 2025-جىلدىڭ سوڭىنا قاراي باستالادى دەپ جوسپارلانعان.
2027-جىلعا قاراي قاشاعان كەن ورىندارىنداعى ينفراقۇرىلىمدىق جۇمىستار اياقتالعاننان كەيىن س م گ ءوندىرىسىنىڭ كولەمى جىلىنا 700 مىڭ تونناعا جەتەدى.
