ق ت ج مەن QazaqGaz كومپانيالارى قاشان IPO- عا شىعارىلادى
استانا. KAZINFORM - ق ت ج IPO- عا شىعۋعا دايىندالىپ جاتىر، ال «QazaqGaz» ازىرگە دايىن ەمەس. ونىڭ IPO- عا شىعۋ مەرزىمى 2027-2028 -جىلدارعا اۋىسۋى مۇمكىن.
بۇل تۋرالى Kazinform اگەنتتىگى جولداعان ساۋالعا «سامۇرىق- قازىنا» ا ق- نىڭ رەسمي جاۋابىندا ايتىلعان.
- ق ر ۇكىمەتىنىڭ 2020 -جىلعى 29- جەلتوقسانداعى №908 قاۋلىسىنا (جەكەشەلەندىرۋدىڭ كەشەندى جوسپارى) سايكەس، «قازاقستان تەمىر جولى» ۇ ك» ا ق (ق ت ج) جانە «QazaqGaz» ۇ ك» ا ق IPO وتكىزۋ ارقىلى باسەكەلەستىك ورتاعا بەرىلۋى ءتيىس. ق ت ج، كەز كەلگەن باسقا اكتيۆ سياقتى، IPO قارساڭىندا ونىڭ ينۆەستيتسيالىق تارتىمدىلىعىن ارتتىرۋ ءۇشىن ساتۋعا دەيىنگى دايىندىقتى قاجەت ەتەدى. وسىعان بايلانىستى قور كومپانيامەن بىرلەسىپ جانە ق ر ۇكىمەتىنىڭ كەلىسىمىمەن ءتيىستى جۇمىستاردى جۇرگىزىپ جاتىر. ق ت ج IPO- سىنىڭ ناقتى مەرزىمى مەن قۇرىلىمى ساتۋعا دەيىنگى دايىندىق شارالارىنىڭ اياقتالۋىنا قاراي، ينۆەستيتسيالىق بانكتەر سياقتى تاۋەلسىز كەڭەسشىلەردىڭ ۇسىنىستارىن ەسكەرە وتىرىپ، سونداي-اق نارىق بويىنشا قولايلى جاعداي بولعاندا ايقىندالادى، - دەلىنگەن حابارلامادا.
سونداي-اق قور مالىمدەمەسىندە «QazaqGaz» كومپانياسىنىڭ IPO- عا شىعۋى بىرنەشە جىلعا شەگەرىلۋى مۇمكىن ەكەنى جازىلعان.
- QazaqGaz IPO- سىن وتكىزۋگە ازىرگە ەرتە دەپ سانايمىز، ويتكەنى كومپانيانىڭ قازىرگى جانە بولجامدى قارجى ءارى وپەراتسيالىق كورسەتكىشتەرى IPO ءساتتى ءوتۋى ءۇشىن ينۆەستيتسيالىق تارتىمدى اكتيۆتىڭ تالاپتارىنا تولىقتاي ساي ەمەس. قور مەن QazaqGaz ق ر ۇكىمەتىمەن ءوزارا بىرلەسىپ وسى باعىتتا جۇمىستاردى جۇرگىزىپ جاتىر. QazaqGaz IPO- سىن وتكىزۋ مەرزىمىن كومپانيانىڭ قارجىلىق جاعدايىنىڭ جاقسارۋىنا قاراي 2027-2028 -جىلدارعا اۋىستىرۋ قاجەت دەپ سانايمىز، - دەلىنگەن جاۋاپتا.
