ق ر س ءى م باسشىسى اۋعانستاندى ساياسي جانە ەكونوميكالىق وقشاۋلاۋعا قاتىستى پىكىر ءبىلدىردى
اۋعانستاندى حالىقارالىق ساياسي جانە ەكونوميكالىق وقشاۋلاۋ ءىس باسىنداعى بيلىكتى راديكالدى كۇشتەرمەن قارىم- قاتىناستى دامىتۋعا يتەرمەلەۋى مۇمكىن.
بۇل تۋرالى «ورتالىق ازيا – ە ق ى ۇ» سىرتقى ىستەر مينيسترلەرىنىڭ فورۋمىندا پرەمەر- ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ ايتتى، دەپ حابارلايدى Kazinform ءتىلشىسى اشحابادتان.
«اۋعانستانمەن بەلسەندى ىنتىماقتاستىقتى بايقاپ وتىرمىز. ورتالىق ازيانىڭ بەس مەملەكەتىنىڭ كۇش- جىگەرىمەن حالىقارالىق دەڭگەيدە دە، ەكونوميكالىق دەڭگەيدە دە جانە باسقا باعىتتاردا اۋعان ۇكىمەتىمەن پروبلەمالاردى شەشۋ ءۇشىن ىنتىماقتاسا جۇمىس ىستەپ جاتىرمىز. وسى ماقساتتا قازاقستان الماتىدا ورتالىق ازيا جانە اۋعانستان ءۇشىن ب ۇ ۇ- نىڭ تۇراقتى دامۋ جونىندەگى وڭىرلىك ورتالىعىن قۇرۋدى بەلسەندى تۇردە جاقتاپ كەلەدى»، - دەدى قازاقستان سىرتقى ىستەر ءمينيسترى.
ۆەدومستۆو باسشىسىنىڭ اتاپ وتۋىنشە، قازاقستان وڭىردەگى تۇراقتىلىقتى قامتاماسىز ەتۋ ءۇشىن كورشىلەس ەلدەرمەن ىنتىماقتاسا جۇمىس ىستەپ جاتىر.
«اۋعانستاندى حالىقارالىق ساياسي جانە ەكونوميكالىق وقشاۋلاۋ ءىس باسىنداعى بيلىكتى راديكالدى كۇشتەرمەن قارىم- قاتىناستى دامىتۋعا يتەرمەلەۋى مۇمكىن»، - دەپ ەسكەرتتى مۇرات نۇرتىلەۋ.
ايتا كەتەيىك، «ورتالىق ازيا - ە ق ى ۇ» سىرتقى ىستەر مينيسترلەرىنىڭ فورۋمىندا پرەمەر- ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ، سونداي- اق قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىن نىعايتۋعا ۇلەس قوسۋعا دايىن ەكەنىن ايتقان بولاتىن.
ق ر س ءى م باسشىسى اشحابادقا رەسمي ساپارمەن بارعانىن جازعان بولاتىنبىز. م. نۇرتىلەۋ تۇرىكمەنستان مينيسترلەر كابينەتى ءتوراعاسىنىڭ ورىنباسارى، سىرتقى ىستەر ءمينيسترى راشيد مەرەدوۆ وڭىرلىك جانە حالىقارالىق كۇن تارتىبىندەگى وزەكتى ماسەلەلەر بويىنشا «ساعاتتارىن تەڭەستىردى».
