ق ر پرەزيدەنتىنىڭ ءىس باسقارماسى: ارداگەرلەرگە قامقورلىق جاساۋ - قۇرمەت پەن تاريحقا ىزەت

پاۆلودار وبلىسى باياناۋىل اۋىلىندا تۇراتىن سوعىس ارداگەرى قايىر حاسەنوۆتى «قازقۇرىلىس جۇيەسى» ج ش س قىزمەتكەرلەرى قۇتتىقتادى.

باس ديرەكتورى ارتەم تونەنچۋكتىڭ باسشىلىعىمەن ارداگەردىڭ ۇيىنە بارىپ، قايىر حاسەنوۆكە شايعا جەمىستەر مەن تاتتىلەر سەبەتىن سىيلادى، سونىمەن قاتار، قوماقتى سىيلىق رەتىندە ۇيدەن جوعارى بىلىكتى مەديتسينالىق تەكسەرۋ ۇيىمداستىردى.

مەديتسينالىق ورتالىق اۋرۋحاناسى ق ر پ ءى ب ارىپتەستەرىنىڭ باستاماسىن قولداپ، دارىگەر-تەراپيەۆت جاسۇلان مەرگەنبايەۆتى ارداگەردىڭ دەنساۋلىعىن تەكسەرۋگە جىبەردى.

سونداي-اق، «قازقۇرىلىس جۇيەسى» ۇجىمى ارداگەرگە دەنساۋلىعىن دۇرىستاۋ ءۇشىن قاجەتتى راسىمدەر مەن ساۋىقتىرۋ ماسساجى كۋرسىنا تولەماقى جاساۋعا ماتەريالدىق كومەك كورسەتتى.

قايىر حاسەنوۆ قامقورلىق پەن كوڭىل بولۋگە قاتتى قۋاندى، قوناقتاردى جىلى قارسى الىپ، ءوزىنىڭ ءومىرى مەن مايدان جىلدارى تۋرالى اڭگىمەلەپ بەردى جانە جەڭىس كۇنىنىڭ مەرەيتويلىق مەرەكەسىن اسىعا كۇتەتىندىگى تۋرالى ايتتى.

«ق ر پرەزيدەنتى جانە ۇكىمەتى اكىمشىلىگىنىڭ اكىمشىلىك عيماراتتار ديرەكتسياسى» ر م ك الماتى فيليالىنىڭ وكىلدەرى دە فيليال ديرەكتورى ازيز بەكبوسىنوۆتىڭ باسشىلىعىمەن سوعىس ارداگەرلەرى: ۆاسيلي شيپيلوۆ، زۋلقارناي سەيىتوۆ، ولگا ساۆەنكو جانە تاتيانا الەكسەەنكونىڭ ۇيلەرىنە بارىپ، حال-جاعدايلارىن ءبىلدى.

ءىس-شارانى المالى اكىمدىگىنىڭ الەۋمەتتىك قىزمەتكەرلەرىمەن جانە «ۇلى وتان سوعىسى ارداگەرلەرىنىڭ، تىل ەڭبەككەرلەرىنىڭ جانە سوعىس بالالارىنىڭ كەڭەسى» قوعامدىق قورىمەن بىرلەسىپ جۇزەگە اسىردى.

الداعى مەرەكەمەن قۇتتىقتاۋمەن قاتار، ارداگەرلەرگە: ازىق - تۇلىك سەبەتتەرى، جىلى كيىمدەر مەن توسەك-ورىن جابدىقتارى-كورپەلەر مەن جاستىقتاردان تۇراتىن سىيلىقتار تابىستالدى.

بەيبىتشىلىك پەن بوستاندىق ءۇشىن ءوز كۇشتەرىن جۇمساعان جاندارعا قامقورلىق كورسەتۋ ق ر پرەزيدەنتى ءىس باسقارماسىنىڭ ميسسياسىنىڭ ماڭىزدى بولىگى بولىپ قالا بەرەدى. مۇنداي باستامالار ۇرپاقتار ساباقتاستىعىن نىعايتادى جانە وتانداستارىمىزدىڭ ەرلىكتەرىنىڭ ەشقاشان ۇمىتىلمايتىنىن ەسكە سالادى، دەپ اتاپ ءوتتى ق ر پرەزيدەنتىنىڭ ءىس باسقارماسىندا.

اۆتور

باقىتگۇل اباي قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى