ق ر پرەزيدەنتى تەلەراديوكەشەنىنىڭ قىزمەتكەرلەرى ماراپاتتالدى
استانا. KAZINFORM - بۇگىن ق ر پرەزيدەنتى تەلەراديوكەشەنىنىڭ 9 قىزمەتكەرى ق ر پرەزيدەنتى اكىمشىلىگىنىڭ باسشىسى ايبەك دادەباي مەن ق ر پرەزيدەنتىنىڭ كەڭەسشىسى جانە باسپا ءسوز حاتشىسى بەرىك ءۋاليدىڭ اتىنان العىس حاتتارمەن ماراپاتتالدى.
سالتاناتتى ءراسىم بۇگىن اقوردادا ءوتتى.
ماراپات العان قىزمەتكەرلەردىڭ قاتارىندا Kazinform حالىقارالىق اگەنتتىگىنىڭ قىتاي رەداكسياسىنىڭ شىعارۋشى رەداكتورى مۇحتار قاليموللا جانە «Jibek Joly» ،Silk Way» تەلەارناسىنىڭ ىشكى حابار تاراتۋ اقپاراتتىق-تالداۋ باعدارلامالارى قىزمەتىنىڭ ءتىلشىسى باقتيار داركەيەۆ بار.
سونداي-اق، ق ر پرەزيدەنتىنىڭ كەڭەسشىسى جانە باسپا ءسوز حاتشىسى بەرىك ءۋاليدىڭ اتىنان Jibek Joly/Silk Way تەلەارناسىنىڭ سىرتقى حابار تاراتۋدىڭ اقپاراتتىق-تالداۋ باعدارلامالارى قىزمەتىنىڭ باس رەداكتورى، «New Time» اعىلشىن تىلىندەگى اقپاراتتىق-تالداۋ باعدارلاماسىنىڭ جانە «Silk Way» تەلەارناسىنداعى «Reporter with President» جوباسىنىڭ جۇرگىزۋشىسى اينۇر يمانعالي مەن ق ر پرەزيدەنتى ت ر ك كونتەنت جاساۋ ءبولىمىنىڭ گرافيكالىق رەداكتورى ساپاربەك جاقسىلىق العىس حاتقا يە بولدى.
