ق ر پرەزيدەنتى تەلەراديوكەشەنى جانە يتار- ت ا س س ىنتىماقتاستىق تۋرالى كەلىستى
ق ر پرەزيدەنتىنىڭ تەلەراديوكەشەنى مەن ت ا س س اقپارات اگەنتتىگى اقپارات سالاسىنداعى ىنتىماقتاستىق تۋرالى كەلىسىمگە قول قويدى.
قول قويۋ رەسەي فەدەراتسياسىنىڭ پرەزيدەنتى ۆلاديمير ءپۋتيننىڭ قازاقستانعا رەسمي ساپارى اياسىندا ءوتتى، دەپ حابارلايدى Kazinform.
قۇجاتقا ق ر پرەزيدەنتى تەلەراديوكەشەنىنىڭ باس ديرەكتورى راۋشان قاجىبايەۆا مەن ت ا س س ا ا باس ديرەكتورى اندرەي كوندراشوۆ قول قويدى.
وسى كەلىسىم بويىنشا تاراپتار بىرلەسكەن ءوندىرىس جانە كونتەنت الماسۋ، سونداي- اق جاڭا تەحنولوگيالاردى پايدالانۋداعى ءوزارا ءىس- قيمىل مۇمكىندىگىن راستادى.
«ءبىزدىڭ قۇجات اقپارات الماسۋ، كادرلار بىلىكتىلىگىن ارتتىرۋ جانە ءوزارا قىزىعۋشىلىق تۋدىراتىن وقيعالاردى جاريالاۋ سالاسىنداعى ەكىجاقتى ىنتىماقتاستىقتى دامىتۋعا نەگىز جاسايدى. ورتالىق بۇقارالىق اقپارات قۇرالدارى اراسىنداعى ىنتىماقتاستىق اۋديتوريانىڭ حاباردارلىعىن ارتتىرۋعا ىقپال ەتەدى»، - دەپ اتاپ ءوتتى راۋشان قاجىبايەۆا.
ايتا كەتسەك، ق ر پرەزيدەنتىنىڭ تەلەراديوكەشەنى - قۇرامىنا Jibek Joly رەسپۋبليكالىق تەلەارناسى، Silk Way جانە Silk Way sinema حالىقارالىق تەلەارنالارى، «قازاقپارات» ح ا ا جانە دەرەكتى كينو ورتالىعى كىرەتىن تولىق سيكلدەگى قازاقستاندىق مەديا- كومپانيا.
ت ا س س ا ا - رەسەيدىڭ جەتەكشى مەملەكەتتىك اقپارات اگەنتتىگى. بيىل قىركۇيەك ايىندا اگەنتتىككە 119 جىل تولدى. كۇن سايىن 6 تىلدە 3 مىڭعا جۋىق حابارلاما مەن رەسەيدەگى جانە شەتەلدەگى مەنشىكتى تىلشىلەرىنىڭ جۇزدەگەن فوتو جانە بەينە ماتەريالدارىن جاريالايدى. اگەنتتىكتىڭ سانكت- پەتەربۋرگ، نوۆوسيبيرسك، ەكاتەرينبۋرگتەگى ايماقتىق اقپارات ورتالىقتارى، رەسەي وبلىستارىنداعى ونداعان بيۋروسى، سونداي- اق 52 ەلدەگى 57 وكىلدىگى كەڭ اۋديتورياعا رەسەي جانە الەمدەگى وقيعالار تۋرالى وبەكتيۆتى اقپاراتتى جىلدام الۋعا جانە تاراتۋعا مۇمكىندىك بەرەدى.
