ق ر پرەزيدەنتى مۇحاممەد جۋمۋ ءال- شاميسيدىمەن اقتاۋ، قۇرىق پورتتارىن دامىتۋدى تالقىلادى
مەملەكەت باسشىسى قاسىم-جومارت توقايەۆ Abu Dhabi Ports Group كومپانياسىنىڭ باسقارۋشى ديرەكتورى مۇحاممەد جۋمۋ ءال- ءشاميسيدى قابىلدادى. بۇل تۋرالى اقوردا حابارلايدى.
كەزدەسۋ بارىسىندا ق ر پرەزيدەنتى اقتاۋ جانە قۇرىق پورتتارىن دامىتۋدى قازاقستان ستراتەگيالىق ماقسات ەتىپ وتىرعانىن اتاپ ءوتتى.
قاسىم-جومارت توقايەۆ پەن مۇحاممەد جۋمۋ ءال-شاميسي Abu Dhabi Ports Group كومپانياسىنىڭ كولىك- لوگيستيكا سالاسىنداعى باي تاجىريبەسىن ەسكەرە وتىرىپ، وسى سالاداعى ءوزارا ءتيىمدى قارىم- قاتىناستىڭ پەرسپەكتيۆالارىن تالقىلادى.
مەملەكەت باسشىسى قازاقستان مۇنايىن ورتا ءدالىز ارقىلى ازەربايجانعا تاسىمالداۋ جونىندەگى «قازمۇنايگاز» كومپانياسى مەن ADP اراسىنداعى ىنتىماقتاستىقتى وڭ باعالادى.
پرەزيدەنت ەۋرازيانى شىعاناقپەن، افريكامەن جانە ۇندىستانمەن بايلانىستىراتىن «سولتۇستىك - وڭتۇستىك» باعدارىنىڭ الەۋەتىن پايدالانۋ جوسپارى تۋرالى ايتتى. ونىڭ پىكىرىنشە، 2027 -جىلعا قاراي اتالعان باعىتتىڭ جۇك وتكىزۋ قابىلەتى كەمىندە 70 پايىزعا ارتىپ، 9 ميلليون توننادان 15 ميلليون تونناعا دەيىن ۇلعايۋعا ءتيىس.
وسىعان بايلانىستى قاسىم-جومارت توقايەۆ «قازاقستان تەمىر جولى» مەن ADP اراسىندا بىرلەسكەن كاسىپورىن قۇرۋ جونىندەگى ۋاعدالاستىقتى ەرەكشە اتاپ ءوتىپ، بۇل جوبالاردىڭ تابىستى جۇزەگە اسىرىلۋىنا تىلەكتەستىك ءبىلدىردى.
اۆتور
گۇلميرا الياكپاروۆا
