ق ح ر ءتوراعاسى: قىتاي قازاقستاننىڭ ىشكى ىستەرىنە كيلىككەندەرگە قارسى تۇرادى

«قىتاي دانالىعى دوسقا ايتقان ءار ءسوزدىڭ ۇدەسىنەن شىعۋ كەرەكتىگىن وسيەت ەتەدى. قازاقستاندىق دوستارىمىزبەن ءارى قاراي دا شىنايىلىق پەن سەنىمگە نەگىزدەلگەن قارىم- قاتىناستى ورناتا بەرەمىز. ستراتەگيالىق تۇرعىدا ۇيلەسكەن ءوزارا ساياسي سەنىمدى تەرەڭدەتىپ، ءبىر- ءبىرىمىزدىڭ تۇپكىلىكتى مۇددەمىز بەن نەگىزگى الاڭداتاتىن ماسەلەلەردە ءوزارا قولداۋدى ارتتىرا بەرەمىز. قىتاي تاراپى قازاقستاننىڭ ۇلتتىق قاۋىپسىزدىگىن، ەگەمەندىگى مەن اۋماقتىق تۇتاستىعىن قورعاۋعا، ءوز بەتىمەن تاڭداپ العان دامۋ جولىن ۇستانۋعا، مەملەكەتتىڭ گۇلدەنۋىنە قاجەتتى ىشكى جانە سىرتقى ساياساتىن ىسكە اسىرۋعا باعىتتالعان كۇش جىگەرىن قولداۋدان اينىمايدى، قازاقستاننىڭ ىشكى ىستەرىنە كيلىكسە، كىمگە بولسا دا قارسى تۇرادى. ءوزارا سىيلاستىق، تاتۋ كورشىلىك، ءوزارا كومەك جانە ءوزارا تيىمدىلىك سياقتى ءتورت ماڭىزدى قاعيداتتى دامىتىپ، ارتتىرۋ ەكىجاقتى قارىم-قاتىناستىڭ ورنىقتى ديناميكاسىن ساقتاۋعا نەگىزدەلگەن»، - دەپ جازادى قىتاي باسشىسى.

ونىڭ پايىمىنشا، قىتاي مەن قازاقستان ەكونوميكاسى قۇرىلىمى جاعىنان ءبىر- ءبىرىن تولىقتىرىپ تۇر.

«ءبىر بەلدەۋ جانە ءبىر جول» باستاماسى مەن ادىلەتتى قازاقستان ەكونوميكالىق باعدارىن ۇشتاستىرىپ ىسكە اسىرۋعا بىرلەسىپ كۇش سالامىز. قازاقستاندىق تاۋارلاردىڭ الپاۋىت قىتاي نارىعىنا جولىن كەڭەيتىپ، قىتاي دامۋىنىڭ مۇمكىندىكتەرىن بىرلەسىپ پايدالانامىز»، - دەدى شي جينپيڭ.

شي جينپيڭ ماقالاسىندا وسى مەملەكەتتىك ساپارىنىڭ ءمانىن تۇسىندىرەدى. سونداي- اق وندا قىتايلىقتاردىڭ داستارحانىندا قازاقستاندىق ءونىم كوبەيە تۇسكەنى ايتىلعان. ق ح ر ءتوراعاسى اۆتورلىق ماقالاسىندا قىتاي مەن قازاقستاننىڭ مادەني بايلانىسىنا ەڭبەك ەتىپ جۇرگەن قازاقتاردى اتاپ، ەكى ەل اراسىنداعى ۆيزاسىز رەجيمنىڭ ارتىقشىلىعىنا توقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى