نۇر-سۇلتاندا Pfizer ۆاكسيناسى نەشە ادامعا سالىنادى

«قالامىزدا 12 جاستان 18 جاسقا دەيىنگى 110 مىڭ بالا بار. ونىڭ ىشىندە 63 مىڭعا جۋىق بالا ۆاكسينالاۋعا جاتادى. جۇكتى جانە بالا ەمىزەتىن ايەلدەر شامامەن 27 مىڭ. ۆاكسيناتسياعا قارسى جۇكتىلىكتىڭ اۋىر ءوتۋى، اللەرگيالىق رەاكسيا سياقتى كورسەتىلىمدەر بار. ەگەر جۇكتى ايەلدەردىڭ جاعدايى مۇمكىندىك بەرمەسە، تۇردە ۆاكسينالاۋ مۇمكىن ەمەس»، - دەپ ءتۇسىندىردى ءاليا رۇستەموۆا.

ونىڭ ايتۋىنشا، نۇر-سۇلتان قالاسىندا اتالمىش ەكپەنىڭ 219 مىڭ دوزاسىن 115 مىڭ ادامعا سالۋ جوسپارلانعان. ۆاكسينانىڭ ءبىر قۇتىسى 6 دوزاعا، ياعني 6 ادامعا ەسەپتەلگەن. باسقارما وكىلدەرى بۇل قوس كومپونەنتتى ەمەس، قاراپايىم ۆاكسينا ەكەنىن ەسكە سالدى. ءبىراق ەكى كەزەڭگە بولىنەدى، ياعني ولار 21 كۇن ارالىعىمەن ەكى رەت سالىنادى. ماماندار بالالاردى ۆاكسينالاۋ ءۇشىن اتا- انالاردىڭ ءبىرىنىڭ كەلىسىمىن دە جەتەتىنىن ايتتى.

«داۋن سيندرومى بار، تسەرەبرالدى سال اۋرۋى نەمەسە باسقا پاتولوگيالارى بار بالالاردى ۆاكسينالاۋ تۋرالى شەشىم ءدال سول كەزدەگى بالانىڭ جاعدايىنا بايلانىستى قابىلدانۋى كەرەك. ەگەر بالانىڭ جاعدايى اۋىر بولسا، وندا، ارينە، قارسى كورسەتىلىم دەگەن ءسوز»، - دەدى ءاليا رۇستەموۆا. باسپا ءسوز تۋرى بارىسىندا سپيكەر ۆاكسينا جاتىرداعى ۇرىقتىڭ دامۋىنا اسەر ەتۋى مۇمكىن بە دەگەن سۇراققا جاۋاپ بەردى.

«ۆاكسينا تۋىلماعان بالاعا ۇرىققا اسەر ەتەدى دەگەن زەرتتەۋ جوق. سوندىقتان ۆاكسينا قاۋىپسىز» - دەدى مامان.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى