ەلوردادا اتا-انالار اراسىندا Pfizer ۆاكسيناسىنا قاتىستى ساۋالناما ءجۇرىپ جاتىر
بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ بالالار دەنساۋلىعىن قورعاۋ ءبولىمىنىڭ باسشىسى ايجان امانگەلديەۆا ايتتى، دەپ حابارلايدى قازاقپارات ءتىلشىسى.
«ەگەر بالانى تەكسەرۋ بارىسىندا دارىگەر سوزىلمالى اۋرۋلاردىڭ اسقىنۋىن انىقتاسا، نەمەسە تەمپەراتۋرا كوتەرىلسە جانە ۆاكسينا قۇرامىنا كىرەتىن كومپونەنتتەرگە اللەرگيا بولسا - مۇنىڭ بارلىعى ۆاكسيناتسياعا قارسى كورسەتىلىمدەرگە جاتادى»، - دەدى باسقارما وكىلى.
ماماننىڭ سوزىنە قاراعاندا، بۇگىندە ەلوردا مەكتەپتەرىندە ساۋالناما جۇرگىزىلىپ جاتىر. وسى ساۋالنامانىڭ قورىتىندىسى بويىنشا ۆاكسينا قاجەتتى مولشەردە تاراتىلادى.
«ساۋالنامادا «بالاڭىزدىڭ ەكپەنى قايدا العانىن قالايسىز: مەكتەپتە مە، الدە ەمحانادا ما» دەگەن سۇراق بار. سونىمەن قاتار، «بالاڭىزعا ەكپە قالاي سالعانىن كورىگىڭىز كەلە مە، بۇل پروتسەسكە قاتىساسىز با»، - دەپ سۇرايمىز. ەگەر «ءيا» دەپ جاۋاپ بەرسە، وندا اتا-انالار بالانى ۆاكسينالاۋ پروتسەسىن كورۋ ءۇشىن مەكتەپتەرگە جىبەرىلەدى»، - دەدى ايجان امانگەلديەۆا.
سونىمەن قاتار، ول ەلوردانىڭ ءبىلىم وشاقتارىنىڭ وقۋشىلاردى Pfizer ۆاكسيناسىمەن يممۋنداۋعا دايىندىعى باقىلاۋ الىنعانىن اتادى.
«ۆاكسيناتسيا الدىندا دەنساۋلىق ساقتاۋ باسقارماسىنىڭ قىزمەتكەرلەرى مەكتەپتەردە مونيتورينگ جۇرگىزىپ، مەديتسينالىق كابينەتتەردى تەكسەرەدى. ۆاكسيناتسيا ءۇشىن بارلىق قاجەتتى جاعدايلار جاسالعان»، - دەدى باسقارما وكىلى.
اۆتور: ەسىمجان ناقتىباي
