الەمدەگى كوروناۆيرۋس: ءۇندىستانداعى جاعداي، ا ق ش- تا ۆاكسينا العاندار ماسكا تاقپايدى، Pfizer كوۆيدتەن ءدارى جاساماق
Pfizer ۆاكسينا ءوندىرۋشىسى جىلدىڭ سوڭىنا دەيىن كوۆيدتەن ءدارى جاساۋعا ۋادە بەردى.
كەيبىر ەۋروپالىق ەلدەر جازعى مەزگىلدى قۇتقارىپ قالۋ ءۇشىن شەتەلدىكتەرگە ەرەجەلەردى جەڭىلدەتتى، دەپ حابارلايدى قازاقپارات BBC- گە سىلتەمە جاساپ.
دجونس حوپكينس ۋنيۆەرسيتەتىنىڭ دەرەكتەرىنە سايكەس، كوروناۆيرۋس جۇقتىرعاندار سانى 149 ميلليونعا جاقىنداپ، 3 ميلليون ادام قايتىس بولعان. الەمنىڭ نازارى ءۇندىستاندا. وندا Covid-19-دان قايتىس بولعاندار سانى 200 مىڭنان اسىپ وتىر. سوڭعى تاۋلىكتە ەلدە تاعى 3293 ادام قايتىس بولىپ، 360 مىڭ جاڭا جۇقتىرۋ وقيعاسى تىركەلگەن.
ءۇندىستاندا الەمدەگى حالىقتى ۆاكسينالاۋ بويىنشا ەڭ ۇلكەن ماسشتابتى كامپانيا اشىلعان. ەل بيلىگى شىلدەگە دەيىن 250 ميلليون ادامدى ۆاكسينالاۋدى كوزدەپ وتىر. ازىرگە ۆاكسينانىڭ ەكى دوزاسىن حالىقتىڭ تەك %1,6- ى العان. ەڭ ءىرى ءدارى- دارمەك ءوندىرۋشىسى ەكەنىنە قاراماستان، ءۇندىستان ءدارى- دارمەك جەتىسپەۋشىلىگى تۋرالى حابارلايدى.
ا ق ش ماسكا تاعۋدى مىندەتتەيتىن ەرەجەنى الىپ تاستاماق
ا ق ش ۆاكتسينا العاندار ءۇشىن كوشەدە ماسكا تاعۋدى مىندەتتەيتىن ەرەجەنى الىپ تاستاماق. پرەزيدەنت دجو بايدەننىڭ ايتۋىنشا، بۇل - ەلدىڭ ۆيرۋسپەن كۇرەس كەزىندە جەتىستىككە جەتكەنىنىنىڭ بەلگىسى.
ەۋروپالىق وداق: جاسىل پاسپورتتار مەن ۆاكسينالىق ديپلوماتيا بۇگىن ەۋروپارلامەنت ەكپە العاندار مەن اۋىرىپ شىققاندارعا بلوك ىشىندە ءجۇرىپ- تۇرۋدى جەڭىلدەتەتىن ساندىق جاسىل سەرتيفيكات بويىنشا ءوز پوزيتسياسىن ناقتىلايدى. ءارى قاراي ە و ەلدەرىمەن كەلىسسوز جۇرگىزىلىپ، مامىردىڭ اياعىنا دەيىن كەلىسىمگە كەلۋ كوزدەلىپ وتىر. وزىندىك ۆاكسينالىق پاسپورتتار فرانسيا مەن دانيادا قولدانىسقا ەنگەن، دەگەنمەن ولار ە و- نىڭ باسقا ەلدەرىنە ساپار جاساۋعا ارتىقشىلىق بەرمەيدى.
كوۆيدتەن ءدارى
امەريكالىق- نەمىس فارماتسيەۆتيكالىق كومپانياسى Pfizer- BioN- Tech ءونىدىرىستى جالعاستىرۋدا، اعىمداعى جىلدىڭ اياعىنا دەيىن Covid-19-دان ءدارى وندىرمەك. كونتسەرننىڭ باس ديرەكتورى البەرت بۋرلانىڭ ايتۋىنشا، پرەپارات اۋرۋدىڭ العاشقى بەلگىلەرى پايدا بولعان كەزدە قابىلداۋعا ارنالادى.
ەۋروپادا تاعى نە بولىپ جاتىر؟
يسپانيا بيلىگى ساندىق سەرتيفيكاتتار جۇيەسىن ەنگىزىپ، ماۋسىمنان باستاپ ەلدى شەتەلدىكتەرگە اشۋدى جوسپارلاپ وتىر. وسىنداي جوسپاردى حورۆاتيا مەن پورتۋگاليا دا قاراستىرۋدا. گرەتسيا دۇيسەنبىدەن باستاپ جەتى ەلدەن كەلگەندەر ءۇشىن مىندەتتى كارانتيندى الىپ تاستادى. بريۋسسەلدە جاقىن كۇندەرى بريتانيا مەن ە و ەلدەرىمەن شەكارانى اشۋ جانە جازعى دەمالىس كەزىندە ءجۇرىپ- تۇرۋ شارتتارى تۋرالى كەلىسسوز جۇرگىزىلمەك.
بريتانيا ەۋروپالىق ەلدەر اراسىندا حالىقتى ۆاكسينالاۋ قارقىنى بويىنشا كوش باستاپ تۇر. قوعامدىق دەنساۋلىق ساقتاۋ دەپارتامەنتىنىڭ مالىمەتىنشە، 33,8 ميلليون ەرەسەك بريتاندىق كەم دەگەندە العاشقى دوزانى الىپ، ءاربىر ءتورتىنشى ادام تولىق ۆاكسينالانعان. كيپر 1- مامىردان باستاپ 65 ەلدىڭ ۆاكسينالاۋدىڭ تولىق كۋرسىن العان ازاماتتارىنا ەلگە ەركىن كىرۋگە رۇقسات ەتەدى. ول ءۇشىن ۆاكسينانىڭ ەكى دوزاسىن العانى تۋرالى راستاۋ قاعازىن كورسەتسە بولعانى.
