قازاقستانعا Pfizer كومپانياسىنىڭ ۆاكسيناسىن جەتكىزۋگە دايىنبىز – مينيسترلىك

بۇل تۋرالى و ك ق- دا وتكەن باسپا ءسوز ءماسليحاتىندا ق ر دەنساۋلىق ساقتاۋ ءبىرىنشى ۆيتسە- ءمينيسترى مارات شورانوۆ ءمالىم ەتتى، دەپ حابارلايدى قازاقپارات ءتىلشىسى.

«بۇكىل الەمدە قازىرگى تاڭدا ۆاكسينانى ۋاقىتشا تىركەۋ تۋرالى اڭگىمە ايتىلىپ جاتىر. بىزدە تىركەپ، زەرتتەۋدىڭ ءۇشىنشى ساتىسىنىڭ ەسەبى بويىنشا ۋاقىتشا تىركەۋگە مۇمكىندىك بەرەتىن ءتيىستى ەرەجەلەر ازىرلەندى. Pfizer ۆاكسيناسى تۋرالى ايتار بولساق، ونى -70 گرادۋسقا دەيىنگى قاتاڭ تالاپتارمەن قاتار، باعاسى دە ەرەكشە. ول رەسەيلىك ۆاكسينادان قاراعاندا ەكى ەسە قىمبات. ءبىز بۇگىن Pfizer كومپانياسىمەن جاريالاماۋ تۋرالى كەلىسىمگە كەلدىك. بۇل ۆاكسينانى قازاقستان اۋماعىنا ارنايى قۇجاتتاردى تاپسىرۋ ارقىلى جەتكىزۋ ىسىمەن اينالىسۋعا دايىنبىز»، - دەدى مارات شورانوۆ.

ونىڭ ايتۋىنشا، ءبارى دە اتالمىش كومپانيانىڭ وندىرىستىك قۋاتى مەن مۇمكىندىگىنە بايلانىستى بولادى. ايتا كەتەرلىگى قازاقستان دا قازىرگى ۋاقىتتا «سپۋتنيك V « ۆاكسيناسىن تىركەۋ ماسەلەسىن قاراپ جاتىر. ۆاكسينا 2020 -جىلعى 24 - جەلتوقساننان باستاپ 2021 -جىلعى 21 - قاڭتارعا دەيىن ن. ف. گامالەيا اتىنداعى ە م ع ز ي- دا ساپانى باقىلاۋ پروتسەسىنەن وتەدى. تەكسەرۋ ءساتتى بولعان جاعدايدا 2021 -جىلعى 26 - قاڭتاردان 11 - اقپانعا دەيىن پرەپاراتتى قازاقستان رەسپۋبليكاسىندا تىركەۋ جوسپارلانۋدا.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى