تالدىقورعانعا Pfizer ۆاكتسيناسىنىڭ 46800 دوزاسى جەتكىزىلدى

بۇل ۆاكسينانى ءبىرىنشى كەزەكتە 12 مەن 18 جاس ارالىعىنداعى وقۋشىلارعا جانە جۇكتى ايەلدەرگە ەگۋ جوسپارلانىپ وتىر.

جالپى الماتى وبلىسىندا ەكپە الۋعا جاتاتىن 147 مىڭ وقۋشى مەن 34 مىڭعا جۋىق جۇكتى، جانە ەمىزۋلى بالاسى بار 44300 ايەل تىركەلگەن.

ايتا كەتۋ كەرەك بالالارعا ۆاكسينا تەك اتا-انالارىنىڭ جازباشا رۇقساتىمەن سالىنادى. وبلىس ورتالىعىنا ارنايى تەرموقوراپتارمەن جەتكىزىلگەن ۆاكسينا -90 گرادۋسقا دەيىن مۇزداتاتىن توڭازىتقىشتارعا سالىندى.

ول جەردەن ءبىلىم شاڭىراقتارىنا جانە ەمحانالارعا تەڭ تاراتىلادى. ال ءبىلىم بەرۋ ۇيىمدارى مەن مەديتسينالىق ۇيىمداردىڭ ەگۋ پۋنكتەرىندە پليۋس 2-8 گرادۋس تەمپەراتۋرادا 31 كۇنگە دەيىن ساقتالادى.

«وبلىستا بىزدە 760 مەكتەپ بار. بارلىق مەكتەپتەردە مەديتسينالىق پۋنكتەر، ىشىندە العاشقى كابينەتتەر بار. سول جەردە جۇمىس جاسايتىن مەديتسينالىق قىزمەتكەرلەرگە ارنايى وقۋلار وتكىزىلدى»، - دەدى الماتى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ءلايلا سەرىكبايەۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى