نەيروندىق جەلىلەر ارقىلى توتەنشە جاعدايلاردى بولجاپ، الدىن الامىز - ۇكىمەت باسشىسى
استانا. KAZINFORM - ۇكىمەت باسشىسى ولجاس بەكتەنوۆ جاساندى ينتەللەكتىنىڭ كومەگىمەن سيفرلىق شەشىمدەردى ينتەگراتسيالاۋ قاجەتتىگىن ايتتى.
- سيفرلىق تەحنولوگيالار بىزدە قازىردىڭ وزىندە ونەركاسىپ، ەكولوگيا، دەنساۋلىق ساقتاۋ، ءبىلىم بەرۋ، جۇمىسقا ورنالاستىرۋ، الەۋمەتتىك جانە قۇقىقتىق قولداۋ، سالىق سەكتورى مەن بيزنەس-ورتادا بەلسەندى قولدانىلىپ كەلەدى. وزىق ەلدەردىڭ بارلىعى سيفرلاندىرۋ مەن جاساندى ينتەللەكتىنى دامىتۋعا جاپپاي ينۆەستيتسيا سالىپ، ستراتەگيالارىن جاساپ جاتىر. بۇگىن وتاندىق سيفرلىق شەشىمدەردى ىسكە اسىرۋ بارىسىن كوردىك. بۇل كەلەسى دامۋ كەزەڭى، ياعني ءبىزدىڭ جاساندى ينتەللەكت سالاسىنداعى جوبالاردىڭ العاشقى قادامدارى. نەيروندىق جەلىلەر ارقىلى ءبىز تاۋەكەلدەردى جانە توتەنشە جاعدايلاردى بولجاپ، ولاردىڭ الدىن الامىز. سونداي-اق پرواكتيۆتى مەملەكەتتىك قىزمەت قولجەتىمدى، - دەدى ولجاس بەكتەنوۆ ۇكىمەتتىڭ كوشپەلى وتىرىسىندا.
پرەمەر-ءمينيستردىڭ ايتۋىنشا، تسيفرلىق ترانسفورماتسيا كەزىندە جاڭا سيفرلىق شەشىمدەردى ينتەگراتسيالاۋ قاجەت.
- 2029 -جىلعا دەيىنگى جاساندى ينتەللەكتىنى دامىتۋدىڭ تۇجىرىمداماسى مەن جاساندى ينتەللەكت تۋرالى جاڭا زاڭ اياسىنداعى جۇمىستار جالعاسادى، - دەيدى ول.
بۇعان دەيىن جاساندى ينتەللەكت ەنگىزىلگەلى ەل اۋماعىندا زاڭسىز قوقىس تاستاۋ فاكتىلەرىنىڭ ازايعانىن حابارلاعان ەدىك.
