نيكول پاشينيان قازاقستان پرەزيدەنتىنە كوڭىل ايتۋ جەدەلحاتىن جولدادى

«قۇرمەتتى قاسىم-جومارت كەمەل ۇلى، قاراعاندى وبلىسىنداعى كوستەنكو اتىنداعى شاحتادا كەنشىلەردىڭ قازا بولۋىنا اكەپ سوققان اپات تۋرالى حاباردى ۇلكەن كۇيىنىشپەن قابىلدادىم. ارميان حالقىنىڭ جانە جەكە ءوز اتىمنان قايتىس بولعانداردىڭ تۋىستارى مەن جاقىندارىنا كوڭىل ايتامىن، جاناشىرلىق پەن قولداۋىمدى بىلدىرەمىن. ولارعا شىدامدىلىق، كۇش پەن قاجىر-قايرات تىلەيمىن»، - دەپ جازىلعان جەدەلحاتتا.

ەسكە سالايىق، بۇگىن تۇندە قاراعاندى وبلىسىنداعى كوستەنكو اتىنداعى شاحتادا ءورت بولدى. ساعات 17.33 تەگى مالىمەت بويىنشا 33 كەنشىنىڭ دەنەسى تابىلدى، 13 ادام ىزدەستىرىلىپ جاتىر. 20 جۇمىسشى اۋرۋحاناعا جەتكىزىلدى.

«ارسەلورميتتال تەمىرتاۋ» ا ق- عا تيەسىلى 8 شاحتانىڭ جۇمىسى ۋاقىتشا توقتاتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى