نيكول پاشينيان ازەربايجانمەن بەيبىت كەلىسىمگە نە سەبەپتى قول قويماعانىن ايتتى
ارمەنيا مينيسترلەر كابينەتى باسشىسىنىڭ ايتۋىنشا، ارمەنيا مەن ازەربايجان تاراپتار اراسىندا سەنىمنىڭ جوقتىعىنان بەيبىت كەلىسىمگە قول قويماي وتىر.
الايدا ونىڭ سوزىنشە، ارمەنيا ۇكىمەتى بار ماسەلەلەردى شەشۋگە باعىتتالعان ديپلوماتيالىق جانە ساياسي جۇمىستى جانداندىرۋعا نيەتتى، دەپ حابارلايدى Kazinfom.
ۇلتتىق جينالىستىڭ كەزەكتى سەسسياسىندا «ارمەنيا رەسپۋبليكاسىنىڭ 2024 -جىلعا ارنالعان مەملەكەتتىك بيۋدجەتى تۋرالى» زاڭ جوباسىن تالقىلاۋ بارىسىندا ارمەنيا پرەمەر- ءمينيسترى نيكول پاشينيان بەيبىت كەلىسىمگە نە سەبەپتى قول قويماي وتىرعانىن ءتۇسىندىردى.
«ەگەر ازەربايجانمەن بەيبىتشىلىك قاعيداتتارى كەلىسىلسە، ماسەلە نەدە بولۋى مۇمكىن؟ نەگە ءبىز العا جىلجىمايمىز، نەگە بەيبىتشىلىك كەلىسىمىنە قول قويمايمىز؟ جالپى ايتقاندا، باستى سەبەپ تاراپتار اراسىنداعى سەنىمسىزدىكتە بولىپ تۇر. ويتكەنى ءبىز ءارقاشان ازەربايجاننىڭ نەمەسە ازەربايجان ءبىزدىڭ مالىمدەمەلەرىمىزدە جانە كەيبىر ارەكەتتەرىمىزدە كەلىسىمدەردەن باس تارتۋ جانە اگرەسسيۆتى ارەكەتتەردى جوسپارلاۋ نيەتىن كورەمىز. بۇل بەيبىتشىلىك شارتىنىڭ ماتىنىمەن جۇمىس ىستەۋىنە كەرى اسەرىن تيگىزەدى»، - دەدى نيكول پاشينيان.
ونىڭ ايتۋىنشا، جاقىن ارادا تاراپتار تاعى بىرنەشە نەگىزگى ماسەلەنى ناقتىلاۋى كەرەك. ءبىرىنشىسى - بەيبىتشىلىك شارتىنىڭ مازمۇنىنا قاتىستى ىقتيمال قاتە تۇسىندىرۋلەردى ەڭسەرۋ مەحانيزمىن تۇجىرىمداۋ. ەكىنشىسى - قاۋىپسىزدىك كەپىلدىگى.
ارمەنيا پرەمەر- ءمينيسترىنىڭ ايتۋىنشا، ۇكىمەت پەن ونىڭ جەكە ءوزى وسى پروبلەمالاردى ەڭسەرۋگە باعىتتالعان ديپلوماتيالىق جانە ساياسي جۇمىستى جانداندىرۋعا نيەتتى.
