نورۆەگياداعى اننەيا عارىش ايلاعىنان ۇشىرىلعان زىمىران اپاتقا ۇشىرادى

گەرمانيانىڭ Isar Aerospace كومپانياسى شىعارعان Spectrum زىمىرانى جەرگىلىكتى ۋاقىت بويىنشا ساعات 12:30 دا ۇشتى، ءبىراق كوتەرىلگەننەن كەيىن شامامەن 20 سەكۋندتان سوڭ تراەكتورياسىنان اۋىتقي باستاپ، جەرگە قۇلاپ، جارىلدى.

تىكەلەي كورسەتىلىم كەزىندە قاتتى جارىلىس ەستىلدى، ال بەينەجازبادان ۇزىندىعى 30 مەترگە جۋىق، سالماعى 50 توننالىق زىمىراننىڭ اننەيا ارالىنداعى نوردمەلدەگى ۇشىرۋ الاڭىنىڭ جانىندا قۇلاعانىن كورۋگە بولادى.

زارداپ شەككەندەر تۋرالى مالىمەت كەلىپ تۇسكەن جوق. عارىش ايلاعىنىڭ وپەراتورى Andoya Space كومپانياسىنىڭ حابارلاۋىنشا، داعدارىسقا قارسى ارەكەت ەتۋ توبى جۇمىلدىرىلعان جانە ول جاعدايدى باعالاۋ ءۇشىن توتەنشە جاعدايلار قىزمەتى جانە Isar Aerospace كومپانياسىمەن تىعىز جۇمىس ىستەپ جاتىر.

- وپەراتسيالىق قىزمەت كەزىندەگى قاۋىپسىزدىك - اننەيا عارىش ايلاعى ءۇشىن ەڭ جوعارى باسىمدىق، - دەلىنگەن Andoya Space باسپا ءسوز حابارلاماسىندا.

وقيعانىڭ سەبەبى انىقتالىپ جاتىر. Andoya Space جانە Isar Aerospace جاڭارتىلعان اقپارات قولجەتىمدى بولعان كەزدە ونى بەرۋگە ۋادە بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى