ەكولوگيا «Nur Otan» - نىڭ باسىم باعىتتارىنىڭ بىرىنە اينالۋى كەرەك - ەلباسى

«ب ۇ ۇ بولجامى بويىنشا، كليماتتىڭ وزگەرۋى ادامزات ءۇشىن جاڭا سىن-قاتەر بولماق. سول سەبەپتى بيىل ازىق-تۇلىكتىڭ الەمەگى باعاسى %30 ءوستى. بۇل كەيىنگى 10 جىلداعى رەكوردتىق كورسەتكىش. اپتاپ ىستىق ەلىمىزدە مالدىڭ قىرىلۋىنا، جەمشوپ تاپشىلىعىنا، ەگىن شىعىمىنىڭ تومەندەۋىنە اكەلدى. قازاقستان ءۇشىن سۋ رەسۋرستارىنىڭ سارقىلۋى وزەكتى ماسەلە. جالپى ەكولوگيا ماسەلەسى «Nur Otan» پارتياسى مەن ەلىمىزدىڭ باسىم باعىتتاعى ماسەلەسىنىڭ بىرىنە اينالۋى كەرەك دەپ ەسەپتەيمىن»، - دەدى نۇرسۇلتان نازاربايەۆ.

سونداي-اق، ول كومىرتەگى بەيتاراپتىعى ماسەلەسىنە دە توقتالدى.

«الەم قاۋىمداستىعى 2050-جىلعا قاراي كومىرتەگى بەيتاراپتىعىنا قول جەتكىزۋگە نيەتتى. قازىردىڭ وزىندە وندىرىستە جاڭا ەكولوگيالىق ستاندارتتار ەنگىزىلىپ، سالىق تۇسىمدەرى ازايا باستادى. 2030-جىلعا قاراي 190 ەل كومىردەن تولىق باس تارتۋدى جوسپارلاپ وتىر. «ەكولوگيالىق لاس» ءونىم باسەكەگە قابىلەتسىز بولا تۇسۋدە. مۇنىڭ ءبارى ەكونوميكامىزدىڭ قۇرىلىمىن وزگەرتۋدى، وعان ينۆەستيتسيا تارتۋدى قاجەت ەتەدى. ءبىز ەنەرگيا وندىرىسىنە قازبا وتىندى ەڭ كوپ پايدالاناتىن ەلدەردىڭ ءبىرىمىز. كومىرسۋتەك ۇستەمدىك قۇرعان ءداۋىر بىرتىندەپ اياقتالىپ كەلەدى. ونىڭ ورنىنا جاسىل ەنەرگيانىڭ ءداۋىرى ورنايدى. مۇنداي جاعدايدا قازاقستاننىڭ دامۋى يننوۆاتسيالاردىڭ دامۋىمەن، سيفرلاندىرۋ دەڭگەيىمەن، جاڭا تەحنولوگيالارعا قول جەتكىزۋمەن، ادامي كاپيتالدىڭ ساپاسىمەن ايقىندالادى»، - دەدى ەلباسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى