ەنتوني بلينكەن كەلەسى اپتادا افريكا بويىنشا تۋرنەگە اتتانادى
استانا. KAZINFORM – ا ق ش مەملەكەتتىك حاتشىسى ەنتوني بلينكەننىڭ ساپارى 2022-جىلعى كوشباسشىلار سامميتىنەن كەيىن ا ق ش پەن قۇرلىق اراسىنداعى سەرىكتەستىكتىڭ جەدەلدەۋىن كورسەتەدى، دەپ جازدى «امەريكا داۋىسى» راديوسى.
ا ق ش مەملەكەتتىك حاتشىسى ەنتوني بلينكەن كەلەسى اپتادا كابو-ۆەردە، كوت-د'يۆۋار، نيگەريا جانە انگولاعا بارادى. بۇل ونىڭ افريكا قۇرلىعىنا ءتورتىنشى ساپارى بولماق.
2022-جىلعى ا ق ش-افريكا كوشباسشىلارىنىڭ سامميتىنەن كەيىن ا ق ش مينيسترلەر كابينەتىنىڭ مۇشەلەرى وتكەن جىلى كونتينەنتكە 17 ساپار جاسادى.
مەملەكەتتىك دەپارتامەنتتىڭ باسپا ءسوز حاتشىسى مەتتيۋ ميللەردىڭ مالىمدەۋىنشە، بلينكەننىڭ التى كۇندىك ساپارى سامميتتەن كەيىن ا ق ش- افريكا سەرىكتەستىگىنىڭ، سونىڭ ىشىندە كليمات، ازىق-تۇلىك قاۋىپسىزدىگى جانە دەنساۋلىق ساقتاۋ سياقتى سالالاردا قالاي جەدەلدەتىلگەنىن تانىتادى.
«ول سونىمەن قاتار ءبىزدىڭ بولاشاققا باعىتتالعان ەكونوميكالىق سەرىكتەستىگىمىزدى جانە ا ق ش- تىڭ ەكىجاقتى ساۋدانى نىعايتۋ، ەلدە جانە كونتينەنتتە جۇمىس ورىندارىن قۇرۋ، سونداي-اق افريكانىڭ جاھاندىق نارىقتا باسەكەگە تۇسۋىنە كومەكتەسۋ ءۇشىن افريكاداعى ينفراقۇرىلىمعا قالاي ينۆەستيتسيا سالىپ جاتقانىن كورسەتەدى»، - دەدى ميللەر.
بلينكەن بۇعان دەيىن تاياۋ شىعىس ەلدەرىنە ساپار جاساعان.
