نەسيەنى مەرزىمىنەن بۇرىن وتەگەن كەزدە نەنى ەسكەرۋ كەرەك؟

شارت تالاپتارى

شارت تالاپتارىن تەكسەرىڭىز. نەسيە الماي تۇرىپ بانكتەن مەرزىمىنەن بۇرىن وتەۋ شارتتارىن ناقتىلاڭىز.

قازاقستان زاڭناماسى مۇنداي جاعدايدا ايىپپۇل سالۋعا تىيىم سالادى، ءبىراق بىرنەشە تالاپ بار:

ەگەر نەسيە مەرزىمى ءبىر جىلعا دەيىن بولسا، بانك العاشقى التى اي ىشىندە كرەديتتى تولىق وتەۋ كەزىندە وتەماقى ۇستاۋى مۇمكىن؛

ەگەر نەسيە ءبىر جىلدان ۇزاق مەرزىمگە راسىمدەلسە، العاشقى ون ەكى اي ىشىندە كرەديتتى وتەۋ كەزىندە ايىپپۇل سالىنۋى مۇمكىن.

سونداي-اق، بانك بەرەشەكتى مەرزىمىنەن بۇرىن وتەۋ ءۇشىن ارنايى ءوتىنىش تالاپ ەتپەيتىنىن تەكسەرۋ قاجەت.

قارىز سوماسى

قارىز سوماسىن ناقتىلاڭىز. ەگەر مەرزىمى وتكەن تولەمدەر نەمەسە ايىپپۇلدار بولسا، قاراجات الدىمەن سولاردى وتەۋگە جۇمسالۋى مۇمكىن. كۇتپەگەن شىعىندارعا جول بەرمەۋ ءۇشىن بانككە حابارلاسىپ، ناقتى قارىز سوماسىن انىقتاڭىز.

وتەۋ ءادىسى

وتەۋ ءادىسىن تاڭداڭىز. مەرزىمىنەن بۇرىن وتەۋ تولىق نەمەسە ءىشىنارا بولۋى مۇمكىن:

تولىق وتەۋ - قارىزدىڭ بارلىق سوماسىن، ونىڭ ىشىندە ناقتى پايدالانىلعان كەزەڭ ءۇشىن ەسەپتەلگەن پايىزداردى جابادى.

جارتىلاي وتەۋ - نەگىزگى قارىز سوماسىن ازايتادى، ارتىق تولەمدى تومەندەتەدى. بۇل جاعدايدا نەسيە مەرزىمىن قىسقارتۋ نەمەسە اي سايىنعى تولەم مولشەرىن ازايتۋ نۇسقالارى ۇسىنىلادى. ادەتتە، ءبىرىنشى نۇسقا تيىمدىرەك.

نەسيە تولەۋ ءتارتىبى

نەسيە تولەۋ ءتارتىبىن تەكسەرىڭىز. كەيبىر بانكتەر مەرزىمىنەن بۇرىن وتەۋدى ارنايى موبيلدى قوسىمشا ارقىلى جۇرگىزۋدى نەمەسە بانك بولىمشەسىندە ءوتىنىش جازۋدى تالاپ ەتەدى. ەگەر قاراجاتتى جاي عانا شوتقا سالساڭىز، ولار نەسيە كەستەسىنە سايكەس ەسەپتەلىپ، قارىز سوماسى ازايماۋى مۇمكىن.

نەسيە تولەنگەنىن راستايتىن انىقتاما الىڭىز. تولىق وتەگەننەن كەيىن، بانكتەن قارىزدىڭ جابىلعانىن راستايتىن قۇجات تالاپ ەتىڭىز. بۇل ەسەپ جۇرگىزۋ كەزىندە قاتەلىكتەردىڭ الدىن الۋعا كومەكتەسەدى.

سونىمەن قاتار، كرەديتتىك تاريحتى باقىلاۋ ۇسىنىلادى:

نەسيە جابىلعاننان كەيىن، كرەديتتىك بيۋرولاردىڭ سايتتارىندا ءوز كرەديتتىك تاريحىڭىزدى تەكسەرىڭىز؛

ەگەر قاتە انىقتالسا، بانككە نەمەسە ميكروقارجى ۇيىمىنا (م ق ۇ) جۇگىنىپ، راستايتىن قۇجاتتاردى ۇسىنىڭىز. سونداي-اق، قاتە دەرەكتەردى Fingramota.kz سايتىنداعى «نەسيە تاريحىن وزگەرتۋ» بولىمىندە تەگىن تۇزەتە الاسىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى