ۆەنەسۋەلادا ينفلياتسيا دەڭگەيى 360 پايىزعا جەتتى

وسىعان بايلانىستى ورتالىق بانك قارجى-نەسيە ساياساتىن قاتاڭداتۋعا ءماجبۇر. ياعني پايىزدىق مولشەرلەرمەنى كوتەرەتىن بولدى. ەكونوميكاسى تەڭسەلىپ تۇرعان تۇركيا دا وسىنداي قادامعا باردى. ءبىراق ازىرگە ناتيجە جوق. لاتىن امەريكاسىنداعى بۇل ەلدە ينفلياتسيا دەڭگەيى ءۇشتاڭبالى سانعا جەتتى. قازىر كورسەتكىش 360 پروتسەنتكە تەڭ.

ۆەنەسۋەلانى قىمباتشىلىق جايلاعانى قاي زامان. مۇنداعى كۇردەلى ەكونوميكالىق جاعدايدىڭ جالعاسىپ كەلە جاتقانىنا ون جىلدان استى. ءبىراق كەيىنگى كەزدە احۋال تىپتەن ۋشىعىپ كەتتى. لاتىن امەريكاسىنداعى بۇل ەل ينفلياتسيا بويىنشا الەمدە ءبىرىنشى ورىنعا شىقتى. وتكەن ايدىڭ قورىتىندىسى بويىنشا ونىڭ دەڭگەيى 360 پروتسەنتكە جەتكەن. ۆەنەسۋەلانىڭ كوش سوڭىندا كەلە جاتقانىنا وسىمەن 10 جىل بولدى.

مۇنىڭ بىرنەشە سەبەبى بار. مەملەكەت ەكسپورتىنىڭ 90 پايىزى مۇنايعا تيەسىلى. الەمدە قارا التىن باعاسى كۇرت تومەندەگەندە، ەلدەگى احۋال دا قيىندادى. سوسىن ا ق ش تاراپىنان سالىنعان سانكسيالار بار. ءوز كەزەگىندە ساراپشىلار بيلىكتىڭ ەكونوميكالىق ساياساتى دۇرىس ەمەستىگىن ايتادى. سونىڭ سالدارىنان حالىقتىڭ 80 پروتسەنتى كەدەيشىلىكتىڭ كەبىن كيدى دەيدى ولار.

ميگداليا ۋۆەدو، زەينەتكەر:

- مەن ارزان ازىق- تۇلىك ىزدەيمىن. ول ءۇشىن ادەتتە بازارعا بارامىن. تويىپ تاماق ىشپەيمىن. ءبارىن از-ازدان جەيمىن. تاماققا ەتتى اراسىندا عانا قوسامىن. تاۋىقتىڭ ءوزىن بىرنەشە كۇنگە جەتكىزۋگە تىرىسامىن.

تۇركيادا پايىزدىق مولشەرلەمە تاعى ءوستى

ۆەنەسۋەلادان بولەك تومەنگى ساتىدا افريكاداعى زيمبابۆە مەن سۋدان، لاتىن امەريكاسىنداعى ارگەنتينا تۇر. بەسىنشى ورىندا - تۇركيا. وتكەن ايدىڭ قورىتىندىسى بويىنشا مۇندا ينفلياتسيا دەڭگەيى 60 پايىزدان اسقان. كورسەتىشتەر ودان دا ناشار بولاتىن. ويتكەنى بيلىك ۇزاق ۋقىت بويى ورتالىق بانككە پايىزدىق مولشەرلەمەنى كوتەرۋگە رۇقسات بەرمەدى. ال بۇل قىمباتشىلىقتى تەجەۋ ءۇشىن قاجەت شارا. ورتالىق بانك باسشىسى اۋىسقاننان كەيىن بيىل جازدا كەيىنگى 2 جىلدا العاش رەت پايىزدىق مولشەرلەمە ءوستى. ءسويتىپ 5 ايدىڭ ىشىندە كورسەتكىش وسىمەن التىنشى رەت كوتەرىلىپ، 40 پايىزعا جەتتى.

رەسەيدە باعا باعىنباي بارادى رەسەيدە دە بيىل پايىزدىق مولشەرلەمە وسىمەن ءتورتىنشى رەت كوتەرىلدى. ورتالىق بانك باسشىسى قىمباتشىلىقپەن كۇرەسۋ ءۇشىن الداعى ۋاقىتتا قارجى-نەسيە ساياساتىن قاتاڭداتۋعا تۋرا كەلەتىنىن جوققا شىعارمادى. بۇل مولشەرلەمە ءالى دە ءوسۋى مۇمكىن دەگەن ءسوز. مۇنداعى ماقسات - ينفلياتسيانى 4 پايىزعا دەيىن جەتكىزۋ. ازىرگە جىلدىق كورسەتكىش 7 پروتسەنتتەن اسادى. سالدارىنان اسىرەسە ازىق- تۇلىك باعاسى ايتارلىقتاي وسكەن.

روكسانا گەلتكوۆا، ماسكەۋ تۇرعىنى:

- ەت، ءسۇت ونىمدەرى، جەمىس، كوكونىس 25 پايىزعا قىمباتتادى. مەنىڭ كۇيەۋىم شۇجىقتى جاقسى كورەدى. ونى مىندەتتى تۇردە ساتىپ الامىن. ءبىراق باعا دەگەن ىرىققا كونبەي تۇر. تاماق قانا ەمەس، كيىم دە اسپانداپ كەتتى. اۋە بيلەتتەرىنىڭ دە باعاسى ەكى ەسە ءوستى.

ەۋرووداق ەلدەرىندە دە ازىق- تۇلىك باعاسى شارىقتاپ بارادى. كوش سوڭىندا بەلگيا، نيلەرلاند پەن يسپانيا تۇر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى