ۆەنگريادا زاڭ بويىنشا تەك ەكى جىنىستى مويىنداۋ ماقۇلداندى

14-ءساۋىر كۇنى ۆەنگريا پارلامەنتى كونستيتۋتسيا بويىنشا «ادام نە ەر، نە ايەل رەتىندە عانا بولىنەدى» دەگەن وزگەرىستى قابىلدادى.

كەيبىر ساراپشىلاردىڭ پىكىرىنشە، دەپۋتاتتار قولداعان تاعى ءبىر زاڭنامالىق وزگەرىس پرايد- شەرۋلەرىن (ل گ ب ت شەرۋلەرىن) وتكىزۋگە تىيىم سالۋدى نىعايتۋعا باعىتتالعان.

جاڭا كونستيتۋتسيالىق تۇزەتۋدە بىلاي دەلىنگەن: «ۆەنگريا نەكە ينستيتۋتىن ەر مەن ايەلدىڭ ءوزارا ەرىكتى كەلىسىمىنە نەگىزدەلگەن وداق رەتىندە قورعايدى، سونداي-اق وتباسىن ۇلتتىڭ ءومىر ءسۇرۋىنىڭ نەگىزى رەتىندە تانيدى. وتباسى - نەكە مەن اتا- انا مەن بالا اراسىنداعى قاتىناستارعا نەگىزدەلەدى. ادام نە ەر، نە ايەل بولادى. اكە - ەر ادام، انا - ايەل»، - دەپ جازدى «ازاتتىق راديوسى» (Radio Svoboda).

اتالعان تۇزەتۋلەردى 140 دەپۋتات قولداپ، 21 دەپۋتات قارسى داۋىس بەرگەن. بۇل - ەل كونستيتۋتسياسىن وزگەرتۋگە قاجەت ۇشتەن ەكى كوپشىلىكتى قامتاماسىز ەتتى. وزگەرىستەردى ۆەنگريا پرەمەر- ءمينيسترى ۆيكتور وربان جانە ونىڭ فيدەس پارتياسى قولداپ وتىر.

زاڭناماعا ەنگىزىلگەن بۇل وزگەرىستەرگە قارسىلىق رەتىندە، پارلامەنت عيماراتى ماڭىندا وپپوزيتسيا جاقتاستارى جاپپاي نارازىلىق شاراسىن وتكىزدى، دەپ حابارلادى dpa اگەنتتىگى.

اكسيانى شاعىن وپپوزيتسيالىق Momentum پارتياسى ۇيىمداستىرعان.

بۇعان دەيىن ۆەنگريا حالىقارالىق قىلمىستىق سوتتىڭ قۇرامىنان شىعاتىنىن رەسمي تۇردە مالىمدەگەن بولاتىن.

ايتا كەتەيىك، ۆەنگريا پرەزيدەنتى كاتالين نوۆاك وتستاۆكاعا كەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى